U Minsk u pačatku studzienia čatyry razy za čatyry dni prylataŭ transpartny samalot «Boinh-747» z kitajskaha horada Urumčy. Pra heta paviedamlaje manitorynhavaja hrupa «Biełaruski Hajun», nazvaŭšy takuju aktyŭnaść kitajskaj hruzavoj avijakampanii Air China Cargo nietypovaj.
«Biełaruski Hajun», jaki siarod inšaha zajmajecca adsočvańniem pieramiaščeńnia ŭ Biełarusi vajskovaj techniki, miarkuje, što hetymi rejsami z Urumčy jana mahła dastaŭlacca ŭ Biełaruś z Kitaja.
Rejsy, pavodle rasśledavalnikaŭ, prybyvali ŭ Minsk čatyry dni zapar — z 8 pa 11 studzienia. Spačatku samalot lacieŭ u Kitaj, a paśla viartaŭsia nazad. U Minsku jon pravodziŭ prykładna pa try hadziny, što dastatkova dla praviadzieńnia razhruzki.
U aeraporcie samalot znachodziŭsia nie na stajankach transpartna-łahistyčnaha centra, a na stajancy, zareziervavanaj dla absłuhoŭvańnia ŭradavych samalotaŭ.
«Hruz, vierahodna, nie prachodziŭ mytnuju ačystku i adrazu pakinuŭ aeraport, bo vakoł miesca stajanki vajskovamu hruzu niama dzie raźmiaścicca, kab nie pryciahvać dadatkovaj uvahi i nie stajać pad adkrytym niebam», — pišuć rasśledavalniki.
Pra jakuju mienavita vajskovuju techniku moža iści havorka, pakul nieviadoma. U publikacyi adznačajecca, što na ŭzbrajeńni biełaruskaj armii jość kitajskija bronieaŭtamabili CS/VN3 Dajiang («Drakon»), jakich u samalot moža ŭleźci 4-5, a taksama kitajskija kamplektujučyja vykarystoŭvajucca dla vytvorčaści rakiet RSZA «Pałaniez».
«Advakat skazaŭ: usie, chto zdymali, užo siadziać». Žančyna, jakaja źniała rasijskuju vajskovuju techniku, paśla zatrymańnia ekstrana źjechała ź Biełarusi
Kitajski aŭtapram zavajoŭvaje śviet. Nie biez dapamohi Zachadu
U Kitai vypuścili anałah ChatGPT, jaki čyścić čat pry kožnym niajomkim pytańni pra palityku. Pratestavali jaho
Ciapier čytajuć
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie7
Kamientary