U novym vypusku «Tok» Alaksandr Sachaščyk parazvažaŭ pra toje, kolki «ruskaha śvietu» ŭ hałovach aficeraŭ i ci hatovaja była b naša armija abaranić krainu ad Rasii.
U Alaksandra Sachaščyka (syna Valeryja Sachaščyka) spytali, kim adčuvajuć siabie aficery biełaruskaj armii — biełarusami ci «ruskimi sa znakam jakaści»?
«Ruskija za znakam jakaści — heta nievialiki pracent radykalna nastrojenych biełarusaŭ, jakija padtrymlivajuć rasijskuju źniešniuju palityku i tyja padziei, što ciapier adbyvajucca va Ukrainie. Ale heta vielmi mały pracent. Nievialikaja ich častka — ludzi, jakija prachodzili słužbu jašče ŭ Savieckim Sajuzie. Mahčyma, u ich zastałasia niejkaja nastalhija pa tych časach»,
— vykazaŭ svajo bačańnie mužčyna.
Adnosna taho, ci źmianiłasia staŭleńnie biełaruskich aficeraŭ da Rasii paśla pačatku vajny z Ukrainaj, Sachaščyk zaŭvažyŭ, što im naviazvajecca mierkavańnie, što heta vajna dvuch hihantaŭ: Rasii i NATA, Zachadu i Uschodu. «U hetym razrezie Rasija — siły dabra, i my ź imi. My na baku dabra», — pierakazvaje vajskoviec liniju ideałohii.
Čym adroźnivajecca biełaruski aficer sił śpiecyjalnych apieracyj ad rasijskaha
Alaksandr Sachaščyk adznačyŭ, što siarod biełaruskich vajskoŭcaŭ vielmi pavažlivyja adnosiny.
«U rasijskaj armii (ja nie havaru ŭžo, jak aficery adnosiacca da sałdat) adzin da adnaho staviacca jak da žyvioły. Pałkoŭnik da majora, ja nie kažu, jak hienierał adnosicca da pałkoŭnika, a časam i da inšych hienierałaŭ. Hetyja adnosiny prynižajuć honar i hodnaść aficera i nie mohuć być dapuščalnymi. Ale ŭ ich tak pryniata i ličycca narmalnym».
Kali havaryć pra vajskovuju padrychtoŭku, to rasijanie ŭ pieršuju čarhu adroźnivajucca tym, što ŭ ich praktyčna ŭsie aficery z bajavym dośviedam:
«Heta nakładvaje svoj adbitak na bajavuju padrychtoŭku. Ludzi viedajuć, da čaho jany rychtujucca. U nas Uzbrojenyja siły nie ŭdzielničali i nie prymajuć udziełu ŭ bajavych dziejańniach. Tolki z pačatkam vajny va Ukrainie da hetaha pytańnia stali stavicca bolš surjozna».
Ci hatovaja biełaruskaja armija da abarony z boku Rasii i Zachadu?
Sachaščyk ličyć, što biełaruskaja armija hatovaja da taho, kab abaraniać krainu, «kali my havorym nie pra Rasiju».
Ale, na jaho dumku, akupacyi Biełarusi z boku Rasii i nie adbudziecca:
«Heta raŭnaznačna tamu, jak siońnia havorać pra toje, što palaki rychtujuć svaje vojski, kab Hrodzienskuju i Bresckuju vobłaści «adcisnuć». Heta fantazii. Nie budzie hetaha Rasija nikoli rabić. Joj heta nie treba. Adna sprava zachapić, druhaja — utrymać. Heta vielmi składany praces. U ich vajna va Ukrainie pakul nie vielmi atrymlivajecca».
Razam z hetym Sachaščyk adznačaje, što ŭ Rasii dastatkova mocnyja pazicyi ŭ Biełarusi: «Jany ŭžo naviazali biełarusam idei «ruskaha śvietu» i praciahvajuć heta rabić. Ekanomika vielmi mocna aryjentavanaja na Rasiju. Lubomu, chto pryjdzie na źmienu Łukašenku, budzie vielmi składana pieranaładžvać usie pracesy».
Kali havaryć pra mahčymaść paŭstańnia biełarusaŭ paśla śmierci Łukašenki suprać akupacyi Rasijaj, to Alaksandr bližejšym časam nie bačyć takoj pierśpiektyvy. Jon tłumačyć: «U 2020 hodzie vielmi mocna siłavym sposabam zadušyli pratesty. Ludzi jašče nie adyšli ad hetaha».
Hladzicie całkam:
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary
Rasiejski pamiraje za Rasieju, a biełaruski za "Sojuznoje Hosudarstvo"
Biełaruski padparadkoŭvajecca jašče i Łukašenku
Zarobkam