«Preziervatyŭnaja nacyja». Niamiecki vytvorca kantraceptyvaŭ zajaviŭ ab rekordzie prodažaŭ
Z adnaho boku, usio mienš žančyn chočuć padviarhać siabie harmanalnaj terapii, prymajučy tabletki. Ź inšaha boku, jość i druhija faktary.
Robiert Rychter — kiraŭnik kampanii Ritex pa vytvorčaści preziervatyvaŭ — zajaviŭ pra rost prodažaŭ u 2023 hodzie na 20% da 100 młn štuk. Heta rekord za ŭsiu historyju firmy, zasnavanaj u 1948 hodzie, piša Bild.
Upieršyniu z 2007 hoda preziervatyvy vykarystoŭvalisia ŭ FRH čaściej (53 pracenty), čym tabletki (36 pracentaŭ).
«Nas samich krychu ździviŭ taki rost», — kaža mieniedžar.
Preziervatyvy z humy vynajšaŭ niamiecki pradprymalnik Julius From (1883 — 1945).
«Nasamreč, Niamieččyna zaŭsiody była mocnaj preziervatyŭnaj nacyjaj. Heta dziakujučy Fromu, — kaža Rychter. — U toj čas jon bolš-mienš raźviŭ pramysłovuju vytvorčaść preziervatyvaŭ, prynamsi ŭ Jeŭropie».
Usio mienš žančyn chočuć padviarhać siabie harmanalnaj terapii, prymajučy tabletki.
«My bačym heta tak: bolš krytyčny pohlad na tabletki siońnia stanoŭča ŭpłyvaje na našy prodažy», — ličyć Rychter.
Ritex naładziła vytvorčaść biez škodnych vykidaŭ i padtrymlivaje inicyjatyvy pa abaronie klimatu.
«Asabliva dobra hetaja tema ŭsprymajecca ŭ Hiermanii i Zachodniaj Jeŭropie», — skazaŭ kiraŭnik kampanii.
Taksama pandemija pierapyniła łancužki pastavak z Azii, tamu niamiecki vytvorca zmoh pavialičyć dolu na rynku.
Były ministr kultury Rusłan Čarniecki znajšoŭ sabie padpracoŭku9
Kamientary