U Homieli sudziać rabočaha, jaki adzin spyniŭ cech svajho zavoda
U sudzie Savieckaha rajona horada Homiela prachodzić razhlad kryminalnaj spravy ŭ dačynieńni da byłoha rabotnika AAT «Homielski zavod puskavych ruchavikoŭ» Ivana Pamiesiačnaha. Mužčynu abvinavačvajuć u źniščeńni, błakavańni abo madyfikacyi kampjutarnaj infarmacyi, jakija pryviali da ciažkich nastupstvaŭ. Za heta mužčynu pahražaje da 10 hadoŭ źniavoleńnia. «Fłahštok» raskazvaje, što pra hetaha čałavieka viadoma.
Z paviedamleńnia pres-słužby UUS Homielskaha abłvykankama viadoma, što 16 listapada 2022 hoda na adnym z homielskich zavodaŭ pa vinie naładčyka stankoŭ i manipulataraŭ byŭ spynieny vypusk detalaŭ. Rabotnik vydaliŭ sistemnyja fajły i vyklučyŭ moduli pamiaci z prahramnym zabieśpiačeńniem, z-za čaho była spynienaja praca 8 mietałaapracoŭčych stankoŭ ź ličbavym prahramnym kiravańniem.
Ahulny pamier naniesienaj škody, pa danych śledstva, składaŭ bolš za 55 tysiač rubloŭ, što adpaviadała asabliva bujnomu pamieru.
Matyvy, jakija paciahnuli rabotnika zabłakavać vytvorčy praces pradpryjemstva, nie abviaščalisia. U listapadzie 2022 hoda pa haračych śladach «Fłahštok», adnak, zdoleŭ vyśvietlić, što incydent adbyŭsia na AAT «Homielski zavod puskavych ruchavikoŭ», i pryvioŭ fatahrafiju vierahodnaha zatrymanaha. Ciapier hetaja infarmacyja znajšła paćviardžeńnie ŭ raskładzie sudoŭ.
Abvinavačvańnie ŭ dačynieńni da Ivana Pamiesiačnaha budujecca na častcy 3 artykuła 350 KK RB, jakaja praduhledžvaje, što dziejańni abvinavačanaha paciahnuli «krušeńnie, avaryju, katastrofu, niaščasnyja vypadki ź ludźmi, admoŭnyja źmieny ŭ navakolnym asiarodździ ci inšyja ciažkija nastupstvy». Maksimalnaje pakarańnie pa dadzienym artykule — 10 hadoŭ pazbaŭleńnia voli.
Za hod da incydentu Ivan Pamiesiačny byŭ adnym z hierojaŭ publikacyi haziety «Sovietskij rajon». Paviedamlałasia, što jon vučyŭsia ŭ Homielskim aŭtamiechaničnym kaledžy, zatym skončyŭ fakultet mašynabudavańnia Mazyrskaha pieduniviersiteta, źmianiŭ niekalki miescaŭ pracy.
Akramia pracy naładčykam na zavodzie, Ivan Pamiesiačny zarablaŭ na žyćcio viasielnym fatohrafam. Taksama sprabavaŭ siabie ŭ mantažy klipaŭ i napisańni piesień.
Navapołack, Baranavičy, Homiel — samyja represavanyja harady Biełarusi
U Homieli prajšoŭ pieratrus na kvatery palitemihranta, zatrymali jaho maci
U Homieli za palityku paciarpieŭ jašče adzin praŭładny prafsajuźnik
Homielski pravakatar zajaviŭ, što aštrafavany za «ekstremizm», ciapier u vyšuku i choča pierajści na biełaruskuju movu
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
https://d2accbiqacj5y8.cloudfront.net/334879