Sudździa suda Navapołacka Zinaida Bałabołava 9 studzienia za raspaŭsiud «ekstremisckich» materyjałaŭ aryštavała na 15 sutak rabotnika AAT «Naftan» Alaksandra Laškova. Heta ŭžo treciaja zapar administracyjnaja izalacyja ŭdzielnika stački 2020 hoda, jakaja vyličvajecca 44-mia sutkami, adznačaje «Viciebskaja viasna».
Pavodle rapartu milicyjanta z Navapołackaha HAUS, Alaksandr byŭ zarehistravany ŭ miesiendžary Telegram i ŭ čat z nazvaj «AAT «Naftan» nieabyjakavych ludziej» dasłaŭ spasyłku ź videachostynhu Youtube z nazvaj «Kardynacyjnaja rada». Raniej hety resurs uklučyli ŭ respublikanski śpis ekstremisckich materyjałaŭ.
Na sudovym pasiadžeńni mužčyna vinu nie pryznaŭ, adznačajučy, što jon nie raspaŭsiudžvaŭ ekstremisckuju infarmacyju praz svoj akaŭnt u telehramie.
Tym nie mienš, sudździa Bałabołava paličyła, što Laškoŭ ździejśniŭ inkryminavanaje jamu pravaparušeńnie, i na padstavie č. 2 art. 19.11 KaAP pakarała jaho aryštam terminam na piatnaccać sutak.
Svaja krama, paśpiachovaja vytvorčaść, čytańnie knih praź videasuviaź. Što viadoma pra kałoniju, dzie siadzić Źmicier Daškievič
Jak minimum 159 čałaviek trapili pad pieraśled padčas masavaha rejdu siłavikoŭ na svajakoŭ palitviaźniaŭ — pravaabaroncy
Navapołack, Baranavičy, Homiel — samyja represavanyja harady Biełarusi
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary