26-hadovaj Darji Trepavaj, jakaja pieradała złaščasnuju statuetku vajenkaru Tatarskamu, zaprasili 28 hadoŭ kałonii
Abhruntoŭvajučy svoj zapyt u dačynieńni da Trepavaj, dziaržabvinavaŭca paprasiła sud uličyć hramadskuju niebiaśpieku złačynstva, paviedamiŭšy, što jano «paraŭnalna sa złačynstvam suprać śvietu i čałaviečnaści».
Siońnia ŭ sudzie ŭ Pieciarburhu prakuratura zapytała pakarańnie dla Darji Trepavaj, abvinavačanaj u zabojstvie Z-błohiera Uładlena Tatarskaha. Tatarski zahinuŭ 2 krasavika 2023 hoda ŭ vyniku vybuchu ŭ pieciarburhskim kafe, kudy Trepava pryniesła načynienuju vybuchoŭkaj statuetku. Druhi abvinavačany — Dźmitryj Kasincaŭ, u jaho doma dziaŭčyna chavałasia paśla vybuchu, piša Miedyjazona.
Prakurorka Cichanava zapytała 28 hadoŭ kałonii dla Darji Trepavaj pa sukupnaści złačynstvaŭ. U dačynieńni da Dźmitryja Kasincava prakuror prosić hod i 10 miesiacaŭ kałonii ahulnaha režymu.
Abhruntoŭvajučy svoj zapyt u dačynieńni da Trepavaj, dziaržabvinavaŭca paprasiła sud uličyć hramadskuju niebiaśpieku złačynstva, paviedamiŭšy, što jano «paraŭnalna sa złačynstvam suprać śvietu i čałaviečnaści». Taksama jana prosić uličyć, što złačynstva, pa danych abvinavačvańnia, było ździejśniena arhanizavanaj hrupaj z matyvaŭ ideałahičnaj i palityčnaj nianaviści.
Ukryvalnictva, na dumku Cichanavaj, taksama niebiaśpiečnaje dla hramadstva.
Cichanava zajaviła, što dziejańni Trepavaj dakładna kvalifikavanyja jak terarystyčny akt. Abvinavačvańnie ŭ niezakonnym nabyćci i zachoŭvańni zbroi ŭ dačynieńni da jaje dziaržabvinavaŭca taksama ličyć viernym.
Cichanava skazała, što dovady Trepavaj ab tym, što jana nie viedała ab vybuchovym prystasavańni ŭ statuetcy, «nie znachodziać paćvierdžańnia». Dziaržabvinavaŭca robić upor na tym, što złačynstva było staranna spłanavanaje, a samoj Trepavaj «zabiaśpiečyli šlachi adychodu».
Cichanava dadała, što «ŭsie ŭdzielniki [hrupy] dziejničali z adzinaj metaj — ździajśnieńnia teraktu», a «ich suviaź była zasnavanaja na adzinstvie antyrasiejskich pohladaŭ». Spakojnyja pavodziny Trepavaj u kafe «śviedčać ab jaje daśviedčanaści», ličyć prakurorka.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary