Pierapisać ikonu pavinny tyja, chto achviaravaŭ jaje saboru, inakš heta zrobić carkva.
Patryjarchija Hruzii zaklikała pierapisać ikonu Matrony Maskoŭskaj z vyjavaj Iosifa Stalina, jakuju raniej ablili farbaj, paviedamlaje telekanał «Dožd́».
Patryjarchija adznačaje, što «adzin z epizodaŭ» na ikonie vyklikaŭ «supiarečlivyja razmovy», a sama ikona stała «abjektam nieapraŭdanych napadak» — heta pryviało da «napružańnia» ŭ hramadstvie.
Pry hetym u patryjarchii padkreślivajuć, što na ikonie moža być namalavany nie tolki śviaty, ale i luby źviazany ź jaho žyćciom čałaviek, u tym liku kiraŭnikoŭ. Adnak heta nie aznačaje, što ikona «ŭsłaŭlaje hetych asob abo prypisvaje im jakuju-niebudź hodnaść».
«Bo sustreča Stalina sa śviatoj Matronaj z-za niedastatkovaści dokazaŭ nie ŭklučana ŭ kananičny tekst jaje žyćcia, nie pryznana RPC, jakaja kananizavała jaje i praviała daśledavańnie pa hetym pytańni, nieabchodna źmianić zhadany epizod i pryniać da ŭvahi inšyja padrabiaznaści, źviazanyja z kananičnaściu ikanapisu», — zaklučaje patryjarchija.
U zajavie skazana, što pierapisać ikonu pavinny tyja, chto achviaravaŭ jaje saboru, inakš heta zrobić carkva. Raniej stała viadoma, što ikonu chramu padaryła partyja «Aljans patryjotaŭ Hruzii». U partyi ŭžo pryniali prapanovu patryjarchii.
9 studzienia ikonu z vyjavaj Stalina, jakaja była vystaŭlena ŭ Tbiliskim kafiedralnym sabory Śviatoj Trojcy (Samieba), ablili farbaj
U hetym abvinavacili miascovuju aktyvistku Natu Pieradze. Na nastupny dzień kala jaje doma sabralisia dziasiatki prychilnikaŭ ultrapravaha ruchu Alt-Info, patrabujučy pakarańnia dla aktyvistki. U situacyju ŭmiašałasia palicyja.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty9
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary