Sud u Litvie pryznaŭ zakonnaj admovu Volzie Karač u palityčnym prytułku
Letaś u žniŭni Departamient mihracyi Litvy admoviŭ Volzie Karač u palityčnym prytułku, pakolki Departamient dziaržaŭnaj biaśpieki vyśvietliŭ, što «jaje znachodžańnie ŭ krainie ŭjaŭlaje pahrozu nacyjanalnaj biaśpiecy praź jaje suviazi z rasijskaj raźviedkaj».
Hałoŭny administracyjny sud Litvy kančatkova paćvierdziŭ zakonnaść rašeńnia Departamienta mihracyi Litvy ab admovie biełaruskaj aktyvistcy i pravaabaroncy Volzie Karač u palityčnym prytułku, piša «Radyjo Svaboda».
Kalehija sudździaŭ razhladała spravu Volhi Karač 10 studzienia ŭ piśmovym paradku na zakrytym sudovym pasiadžeńni. Rašeńnie suda źjaŭlajecca kančatkovym i nie moža być abskardžana.
Jak infarmavała BNS pradstaŭnica sudu Nierynha Łukašavičenie, sud pakinuŭ u sile rašeńnie suda nižejšaj instancyi i adchiliŭ apielacyju.
Rašeńnie zjaŭlajecca kančatkovym i abskardžańniu nie padlahaje.
Łukašavičenie nie stała kamientavać jaho matyvy, spasłaŭšysia na toje, što spravy ab pradastaŭleńni prytułku nie razhladajucca publična.
Letaś u žniŭni Departamient mihracyi Litvy admoviŭ Volzie Karač u palityčnym prytułku, pakolki Departamient dziaržaŭnaj biaśpieki vyśvietliŭ, što «jaje znachodžańnie ŭ krainie ŭjaŭlaje pahrozu nacyjanalnaj biaśpiecy praź jaje suviazi z rasiejskaj vyviedkaj».
Volha Karač admaŭlaje ŭsie takija abvinavačańni. Jana abskardziła rašeńnie mihracyjnaha orhana, ale Vilenski akruhovy administracyjny sud pakinuŭ u sile rašeńnie Departamienta mihracyi Litvy.
U toj ža čas sud pryznaŭ parušeńnie jaje pravoŭ na svoječasovy razhlad zajavy ab atrymańni prytułku, ale nie znajšoŭ padstaŭ dla pryznačeńnia kampiensacyi za heta.
Ciapier Volha Karač maje časovy vid na žycharstva ŭ Litvie, vydadzieny pavodle humanitarnych padstaŭ. Da kančatkovaha razhladu spravy ŭ sudzie Volha Karač mieła prava zastavacca ŭ Litvie.
Volha Karač atrymlivała vid na žycharstva ŭ Litvie z 2014 hodu, a ŭ 2023-m źviarnułasia pa palityčny prytułak. Jana ačolvaje arhanizacyju «Naš dom», što zajmajecca humanitarnaj i psichałahičnaj dapamohaj biełarusam u Litvie i ŭ Biełarusi, a taksama adsočvaje parušeńni pravoŭ čałavieka.
U 2022 hodzie ŭłady Biełarusi abviaścili hetuju arhanizacyju ekstremisckaj, a ŭ 2021 hodzie KDB uklučyŭ Volhu Karač u śpis terarystaŭ.
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary