Hryzun-čyściula. Brytanski piensijanier źniaŭ, jak pacuk akuratna navodzić paradak u jahonym chlavie. Miłaje videa
Adnojčy piensijanier, jaki žyvie ŭ valijskim horadzie Biłt-Uełs, zaŭvažyŭ, što kožnuju ranicu raskidanyja ŭ jaho chlavie napiaredadni rečy dziŭnym čynam akazvajucca składzienymi ŭ skryniu. I tak doŭžyłasia kožnuju noč dva miesiacy.
Valijski piensijanier i były paštaljon Rodni Chołbruk užo daŭno fatahrafuje dzikuju pryrodu, ale hetaja karcina stała dla jaho vialikaj niečakanaściu. U jaho ŭłasnym chlavie kožnuju noč razhortvałasia scena, całkam dastojnaja viadomaha multfilma «Ratatuj», u jakim pacučok stanovicca kucharam.
U vypadku Chołbruka hryzun prajaviŭ inšyja jakaści: akuratnaha prybiralščyka.
Adnojčy piensijanier, jaki žyvie ŭ valijskim horadzie Biłt-Uełs, zaŭvažyŭ, što kožnuju ranicu raskidanyja ŭ jaho chlavie napiaredadni rečy dziŭnym čynam akazvajucca vykładzienymi ŭ skryniu. Tady jon pastaviŭ tam kamieru načnoha bačańnia i staŭ čakać vynikaŭ.
Na atrymanych kadrach akazaŭsia pacuk, jaki staranna padbiraje rečy, u tym liku pryščepki, korki i inšyja drobiazi, i składaje ich u skryniu.
Chołbruk daŭ jamu mianušku «Valijskaja akuratnaja myš» i pieradaŭ zroblenyja im kadry žurnalistam.
Pa słovach 75-hadovaha žychara Uelsa, pacuk prybiraŭsia ŭ jaho chlavie kala dvuch miesiacaŭ.
«Spačatku ja zaŭvažyŭ, što korm, jaki ja vystaŭlaŭ dla ptušak, niejkim čynam akazvajecca ŭ starych čaravikach, jakija lažali ŭ chlavie, — kaža Chołbruk. — U 99% vypadkaŭ pacuk navodzić paradak nočču. Prosta nievierahodna, što jon ich składaje ŭ skrynku, mnie zdajecca, jon navat atrymlivaje zadavalnieńnie ad hetaha pracesu».
Chołbruk padazraje, što pacuk vykarystoŭvaje raskidanyja im pradmiety, kab prychavać arechi, ale pakul situacyja prynosić karyść abodvum nasielnikam chlava.
«Mnie ciapier navat nie treba navodzić paradak. Ja prosta pakidaju ŭsiakija drobiazi kala skrynki, a zranku jany akazvajucca na svaim miescy», — kaža piensijanier.
«Jon, napeŭna, i žonku maju dastaviŭ by na miesca, kali b ja jaje pakinuŭ u chlavie», — žartuje jon.
Charakterna što pacuk spraŭlajecca ź vielmi roznymi pradmietami, navat z takimi, pamier jakich bolšy za samu žyviołu.
«Ja trochi z hetym ekśpierymientavaŭ i pakidaŭ na stale roznyja rečy, kab pahladzieć, ci zmoža jon ich padniać», — tłumačyć jon.
Chołbruk sutykajecca z pacukom-prybiralščykam užo nie ŭpieršyniu.
U 2019 hodzie, kali jon žyŭ u Brystali, jaho siabar paprasiŭ jaho ŭstalavać kamieru načnoha bačańnia, kab sfatahrafavać jašče adnaho hryzuna-amatara čyścini. Jon taksama źbiraŭ rečy ŭ chlavie i akuratna składvaŭ ich u skrynku.
«Heta videa stała virusnym i jaho pahladzieli ludzi va ŭsim śviecie, — kaža piensijanier. — Tak što ja i pavieryć nie moh, što ŭ nas u Biłt-Uełs praź niekalki hadoŭ adbyvajecca toje ž samaje».
Deputatka, jakaja rychtuje pryhažuń dla Łukašenki, vyjšła zamuž23
Kamientary