U Hrecyi adkryvajecca pałac Alaksandra Makiedonskaha. Jaho restaŭravali 16 hadoŭ
U Hrecyi paśla restaŭracyi adkryvajecca pałac horada Ehi — adzin z samych važnych pomnikaŭ kłasičnaj antyčnaści, dzie byŭ karanavany Alaksandr Makiedonski. Pałac, raźmieščany niedaloka ad paŭnočnaha partovaha horada Sałoniki, byŭ pabudavany bolš za 2300 hadoŭ tamu. Paźniej jon byŭ razburany rymlanami, i jaho razvaliny znajšli padčas raskopak, raspačatych u XIX stahodździ, piša VVS.
Častkovaja rekanstrukcyja pałaca, jakaja pravodziłasia pry sadziejničańni ES, kaštavała bolš jak 20 miljonaŭ jeŭra.
Premjer-ministr Hrecyi Kiryjakas Micatakis, jaki prysutničaŭ na cyrymonii adkryćcia abjekta ŭ piatnicu, nazvaŭ jaho pomnikam suśvietnaha značeńnia. «Značnaść takich pomnikaŭ stanovicca zdabytkam usiaho śvietu», — skazaŭ jon.
Siarod adrestaŭravanych častak pałaca, jaki adkryjecca dla naviedvalnikaŭ u paniadziełak, uražlivyja masiŭnyja kałanady.
Pałac pabudavaŭ Filip II, baćka Alaksandra Makiedonskaha, jaki kiravaŭ mahutnym carstvam Makiedonija.
Antyčny Ehi ličycca pieršaj stalicaj staražytnaj Makiedonii. Pałac byŭ samym vialikim budynkam u Hrecyi kłasičnaha pieryjadu — jaho płošča składała 15 tysiač kvadratnych mietraŭ. Na jaho terytoryi byli vialikija bankietnyja zały, miescy dla pakłanieńnia baham i ŭnutranyja dvary.
Alaksandr byŭ tam karanavany, staŭšy carom Makiedonii ŭ 336 h. da n.e. paśla zabojstva baćki. Paźniej jon zavajavaŭ šyrokija terytoryi Małoj Azii, Blizkaha Uschodu i Jehipta i dajšoŭ da Indyi.
Pałac, a taksama najbližejšyja hrabnicy makiedonskich caroŭ, zjaŭlajucca abjektami Suśvietnaj spadčyny JUNIESKA.
«Hety asfalt lažyć dakładna na toj darozie, dzie 236 hadoŭ tamu prajechała Kaciaryna II». Vam samim nie śmiešna?»
U Vilni pastaviać pomnik Žyhimontu Aŭhustu i Barbary Radzivił
Psichuška, muraŭjoŭki, piramida. U Biełarusi źjavilisia novyja pomniki architektury
Psichuška, murav́jevki, piramida. V Biełarusi pojaviliś novyje pamiatniki architiektury
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno16
Kamientary