Viadomaje estonskaje advakackaje biuro narešcie sychodzić ź Biełarusi
Z pačatkam ahresii suprać Ukrainy klijenty ŭ Biełarusi mieli patrebu ŭ dapamozie ŭ rearhanizacyi svajoj pracy i skaračeńni pradpryjemstvaŭ.
Zasnavanaje amal try dziesiacihodździ tamu ŭ Talinie advakackaje biuro Sorainen, jakoje dahetul pracuje ŭ Biełarusi, sioleta vyrašyłasia zakryć svaju kantoru ŭ Minsku, piša Postimees.ee.
Pa słovach kiraŭnika partniora estonskaha ofisa Sorainen Kaŭpa Lepasiepa, pryčyna, praź jakuju biuro, što śpiecyjalizujecca na kamiercyjnym pravie i ŭ jakim pracuje bolš za 400 jurystaŭ, padatkovych kansultantaŭ i supracoŭnikaŭ biznes-pasłuh, raniej nie syšło ź Biełarusi, zaklučajecca ŭ tym, što ŭ ich tam jość šmat bujnych klijentaŭ z bolš čym tysiačaj supracoŭnikaŭ, z tym liku zachodnija pradpryjemstvy i mižnarodnyja advakackija kantory.
Z pačatkam ahresii suprać Ukrainy jany mieli patrebu ŭ dapamozie ŭ rearhanizacyi svajoj pracy i skaračeńni pradpryjemstvaŭ.
Lepasiep patłumačyŭ, što Sorainen nie moža admovicca ad svaich klijentaŭ, jakija nie znachodziacca pad sankcyjami zachodnich krain, ale tym nie mienš firma vyrašyła pakinuć Biełaruś paśla raspačataj Rasijaj vajny, a heta značyć, što klijenckaja praca ŭ minskim ofisie pavinna być zavieršana pastupova.
Sorainen u Biełarusi ŭdzielničała ŭ supravadžeńni bujnych uhodaŭ. U pryvatnaści, havorka idzie pra prodaž pakieta AAT «Biełhips» niamieckaj kampanii DEG. Taksama kampanija brała ŭdzieł u prodažy pakieta akcyj AAT «Pivavarnaja kampanija Alivaryja», jaki naležaŭ Jeŭrapiejskamu banku rekanstrukcyi i raźvićcia. U 2018 hodzie 10,5% akcyj kupiła Baltic Beverages Holding, jakaja ŭvachodzić u hrupu Carlsberg. U Biełarusi Sorainen pracavała na praciahu 15 hadoŭ, udakładniaje Reform.by.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary