Dva hihanckija vychodnyja i ažno čatyry pasiarod tydnia. Jak buduć adpačyvać biełarusy ŭ 2024 hodzie
Śviaty tolki minavali, ale mnohich cikavić, kali buduć vialikija vychodnyja ŭ novym hodzie. Raskazvajem.
Urad pieranios pracoŭny dzień z 13 maja (paniadziełak) na 18 maja (subotu), bo Radunica budzie 14 maja (pravasłaŭny Vialikdzień budzie vielmi pozna — 5 maja).
Takim čynam, dniami adpačynku buduć 11 — 14 maja (subota — aŭtorak). Pryčym 9 maja prypadaje na čaćvier, ale 10 maja pakul pakazvajecca pracoŭnym dniom.
Nastupnyja vialikija vychodnyja buduć u listapadzie, pakolki 7 listapada prypadaje na čaćvier, a pracoŭnaja piatnica, 8 listapada, pieranosicca na 16 listapada (subota).
Takim čynam, dniami adpačynku ŭ listapadzie 2024 hoda buduć 7 (čaćvier), 8 (piatnica), 9 (subota) i 10 (niadziela) — 4 dni.
Adzin raz biełarusy buduć adpačyvać try dni: 8—10 sakavika (piatnica — niadziela).
U novym hodzie čatyry razy vychodny vypadaje na siaredzinu tydnia. Heta 1 Maja (sierada), zhadanaje ŭžo 9 Maja (čaćvier), 3 lipienia (sierada), 25 śniežnia (sierada).
1 studzienia ŭžo ŭ nastupnym 2025 hodzie budzie ŭ sieradu.
Kamientary