Pieravozčyki zapłaciać 2,5 miljona rubloŭ kampiensacyi za hibiel 13 čałaviek u DTZ pad Smalavičami
Sud Smalavickaha rajona vynies rašeńnie pa pazovach paciarpiełych i svajakoŭ zahinułych u łabavym sutyknieńni MAZa z maršrutkaj pad Smalavičami, jakoje adbyłasia 20 lutaha. U vyniku DTZ kiroŭca maršrutki i 12 pasažyraŭ zahinuli. Siem pasažyraŭ atrymali ciažkija cialesnyja paškodžańni. Kiroŭcu MAZa ŭ kastryčniku asudzili na siem hadoŭ kałonii.
Sud vyśvietliŭ, što kiroŭca MAZa, jaki naležyć AAT «Minabłaŭtatrans», parušyŭ praviły darožnaha ruchu, vyjechaŭ na sustrečnuju, dzie sutyknuŭsia z maršrutkaj «Sitrajen», jakaja naležyć pryvatnaj firmie «Sinkievič».
Svajaki zahinułych źviarnulisia z pazovami ab spahnańni hrašovaj kampiensacyi maralnaj škody na sumy ad 20 000 da 100 000 rubloŭ.
Pradstaŭniki adkazčykaŭ firmy «Sinkievič» i Minabłaŭtatransa ŭ sudovym pasiadžeńni pazovy pryznali častkova, nie pahadziŭšysia z zajaŭlenymi pamierami kampiensacyj.
Sud Smalavickaha rajona pastanaviŭ:
— spahnać u salidarnym paradku z AAT «Minabłaŭtatrans» i PTSUP «Sinkievič» u košt hrašovaj kampiensacyi maralnaj škody na karyść pazoŭnikaŭ 2 530 000 rubloŭ;
— spahnać u salidarnym paradku z pradpryjemstva «Sinkievič» i Minabłaŭtatransa ŭ dachod dziaržavy dziaržaŭnuju pošlinu 7 548 rubloŭ.
Kiroŭcu ŭ pazovie admovili, paviedamlaje pres-słužba Viarchoŭnaha suda.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho8
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary