WSJ «vielmi lubić zajmacca pradukavańniem pulp fiction», zajaviŭ Dźmitryj Piaskoŭ. U Radzie biaśpieki Rasii nazvali artykuł «adkrytym fejkam».
Materyjał The Wall Street Journal pra toje, što sakratar Rady biaśpieki Rasii Mikałaj Patrušaŭ datyčny da hibieli zasnavalnika PVK «Vahnier» Jaŭhiena Pryhožyna, źjaŭlajecca pulp fiction (bulvarnym čytvom), zajaviŭ žurnalistam pres-sakratar prezidenta Dźmitryj Piaskoŭ, piša RBK.
«Heta, viedajecie, taki praciah… u apošni čas, na žal, Wall Street Journal vielmi lubić zajmacca pradukavańniem pulp fiction», — zajaviŭ pres-sakratar prezidenta Rasii.
WSJ raniej napisała sa spasyłkaj na krynicy ŭ zachodnich śpiecsłužbach pra «apieracyju likvidacyi Pryhožyna», da jakoj datyčny Patrušaŭ. U aparacie Rady biaśpieki Rasii zajavili RBK, što nie kamientujuć adkrytyja fejki.
U Kramli raniej adznačali, što vakoł katastrofy samalota Pryhožyna šmat śpiekulacyj, a viersija Zachadu ab dačynieńni Kramla da zdareńnia źjaŭlajecca chłuśnioj.
Biznes-džet Pryhožyna Embraer-135 (EBM-135bj) raźbiŭsia ŭ Ćviarskoj vobłaści 23 žniŭnia — praz roŭna dva miesiacy paśla sproby buntu PVK «Vahnier». Samalot lacieŭ z Maskvy ŭ Sankt-Pieciarburh, usiaho na jaho borcie znachodzilisia dziesiać čałaviek, nichto nie vyžyŭ. Siarod ich byli Pryhožyn i kamandzir PVK «Vahnier» Dźmitryj Utkin.
Uładzimir Pucin u kastryčniku raspavioŭ, što, sa słoŭ kiraŭnika SK Alaksandra Bastrykina, vonkavaha ŭździejańnia na biznes-džet Pryhožyna nie było, u ciełach zahinułych znajšli askiepki hranaty. U Kramli vosieńniu kazali, što kančatkovaha dakładu pra abstaviny krušeńnia samalota Pryhožyna niama, śledstva jašče nie skončana.
Kamientary
https://d2accbiqacj5y8.cloudfront.net/ru/332742