Niekalki nie źviazanych pamiž saboj krynic, jakija pracujuć na BIEŁAZie, paviedamili «Lusterku», što zatrymany hienieralny dyrektar pradpryjemstva Siarhiej Nikifarovič. Paźniej stała viadoma, što na zavodzie aktyŭna abmiarkoŭvajuć hetuju temu, adnak nijakich aficyjnych abviestak dahetul nie było. Viadoma, što kiraŭnika na pracoŭnym miescy niama — i nieviadoma, kali jon vierniecca, piša «Lusterka».
Jak raspaviali krynicy, Siarhieja Nikifaroviča zatrymali ŭviečary 15 śniežnia. Surazmoŭcy «Lusterka» śćviardžajuć, što z taho času top-mieniedžar zavoda znachodzicca ŭ SIZA KDB. Adna z mahčymych pryčyn — karupcyja.
Pry hetym aficyjnych paviedamleńniaŭ ab zatrymańni dyrektara BIEŁAZa nie było ni ad siłavikoŭ, ni ad Alaksandra Łukašenki, jaki lubić samastojna paviedamlać pra takija rezanansnyja spravy.
U paniadziełak, 18 śniežnia, žurnalist «Lusterka» patelefanavaŭ u pryjomnuju Nikifaroviča. Tam zajavili, što jaho na pracoŭnym miescy niama.
— Siarhiej Alehavič na naradzie, — adkazała sakratarka.
U sieradu, adkazvajučy na pramoje pytańnie, ci zatrymany Nikifirovič, sakratarka skazała, što joj ničoha pra heta nie viadoma:
— Na pracoŭnym miescy Siarhieja Alehaviča ciapier niama, ale pra toje, što jaho zatrymali, ja ničoha nie viedaju. Dziakuj, što skazali.
21 śniežnia žurnalisty raspačali apošniuju sprobu znajści Nikifaroviča: pad vyhladam sakratara adnaho z rasijskich partnioraŭ pradpryjemstva žurnalistka patelefanavała ŭ jaho pryjomnuju i pasprabavała pryznačyć sustreču.
— Da Novaha hoda dakładna niama. Siarhiej Alehavič u adpačynku. Voś paśla i telefanujcie, kali łaska, — skazała sakratarka hienieralnaha dyrektara, paraiŭšy źviazacca paśla 8 studzienia, kali BIEŁAZ vyjdzie z vakacyj.
Z paniadziełka pa čaćvier taksama sprabavali datelefanavacca na mabilny telefon hienieralnaha dyrektara, adnak jon nie padniaŭ słuchaŭku.
Siarhiej Nikifarovič naradziŭsia ŭ 1979 hodzie ŭ Žodzinie. Pracoŭnuju karjeru pačaŭ na BIEŁAZie na pasadzie majstra ŭčastka. Z 2015 pa 2017 hady byŭ namieśnikam staršyni Žodzinskaha harvykankama, zatym pierajšoŭ na pracu ŭ Pinskaje AAT «Kuźlitmaš», dzie spačatku pracavaŭ namieśnikam dyrektara, a paźniej uznačaliŭ pradpryjemstva. 21 vieraśnia 2020 hoda jaho pryznačali hienieralnym dyrektaram AAT «BIEŁAZ — kirujučaja kampanija chołdynhu «BiełAZ-chołdynh».
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary