Pra toje, što siłaviki pryjšli ź pieratrusam u kvateru ŭ Homieli, dzie žyvie jahonaja siamji, paviedamiŭ sam pravaabaronca ŭ fejsbuku.
«U hetyja chviliny ŭ Homieli skončyŭsia pieratrus kvatery, dzie žyvie maja siamja. Što šukajuć, nie kažuć, ničoha nie zabrali. Stała viadoma pra abjaŭleńnie mianie ŭ Biełarusi ŭ vyšuk», — napisaŭ Sudalenka.
Jon nahadaŭ, što paśla vyzvaleńnia z turmy jahonyja «asabistyja danyja patrapili ŭ respublikanski śpis ekstremistaŭ», a adździaleńnie pravaabarončaha centra «Viasna» ŭ Homieli, jakim jon kiravaŭ, pryznali ekstremisckim farmavańniem.
Raniej pieratrus prajšoŭ pa miescy rehistracyi Leanida Sudalenki ŭ ahraharadku pad Homielem. Taksama nakłali aryšt na jahony ziamielny ŭčastak.
Były kiraŭnik homielskaha adździaleńnia pravaabarončaha centra «Viasna» Leanid Sudalenka ŭ listapadzie 2021 hoda byŭ asudžany da troch hadoŭ kałonii. Vyjšaŭ na volu ŭ lipieni 2023-ha, całkam adbyŭšy termin, paśla čaho nieŭzabavie vyjechaŭ za miežy Biełarusi. U listapadzie stała viadoma, što suprać jaho raspačali novuju kryminalnuju spravu pa artykule ab «sadziejničańni ekstremisckaj dziejnaści».
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju21
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary