Kamanda Navalnaha apublikavała svaju stratehiju na vybarach prezidenta Rasii
Alaksiej Navalny i jaho kamanda zaklikali ŭdzielničać u vybarach prezidenta Rasii i hałasavać za luboha kandydata, akramia Uładzimira Pucina.
«17 sakavika 2024 hoda adbuducca prezidenckija vybary. U hety dzień my zaklikajem usich pryjści na ŭčastki i prahałasavać suprać Uładzimira Pucina. Zrabić heta možna, pastaviŭšy hałački za luboha inšaha kandydata», — piša kamanda Navalnaha.
Paplečniki palityka abviaścili ab pačatku ahitacyjnaj kampanii suprać Pucina. Jany zapuścili sajt «Rasija biez Pucina», na jakim havorycca, što «kožny aktyŭny hramadzianin» najbližejšymi sta dniami da prezidenckich vybaraŭ «pavinien pastavić pierad saboj prostuju metu — pierakanać minimum 10 čałaviek vystupić suprać Pucina».
«Biez sumnievu, nas čakaje parodyja na vybarčuju praceduru. A vyniki buduć, jak zvyčajna, padrablać. Ale lubyja vybary, navat samyja falšyvyja, — heta čas sumnievaŭ. Ludzi zadumvajucca ab tym, chto va ŭładzie i navošta jon tam. Hałoŭnaja zadača rasijskaj apazicyi, zadača ŭsich sumlennych hramadzian — usimi siłami adkazać na hetyja sumnievy.
Ahitavać. Patłumačyć, što 71-hadovy Pucin, jaki znachodzicca va ŭładzie 24 hady, nie pavinien zastavacca jašče na 6 hadoŭ. Jon pryniasie škodu Rasii. Jon pavinien syści», — havorycca ŭ błohu Navalnaha.
Lidar rasijskaj apazicyi Alaksiej Navalny asudžany na 19 hadoŭ źniavoleńnia i znachodzicca ŭ turmie. 47-hadovaha antykarupcyjnaha rasśledavalnika atrucili «Navičkom» rasijskija śpiecsłužby, ale jon paśla lekavańnia ŭ Hiermanii viarnuŭsia na radzimu, dzie jaho źniavolili.
«Heta dziŭnyja idei». Nobieleŭski łaŭreat Murataŭ admoviŭsia iści na prezidenckija vybary ŭ Rasii
Murataŭ i Rojzman — tak; Vieniedyktaŭ, Ziuhanaŭ, Sabčak, Jaŭlinski — nie. Navalny adkazaŭ na pytańnie pra adzinaha kandydata ad apazicyi
Cichanoŭskaja dała intervju, ad jakoha ŭ rasijskaj apazicyi pałychnuła. Što zdaryłasia?
U Rasii pryjšli ź pieratrusami da troch advakataŭ Navalnaha
«Tamu što Pucin nie durań». Chadarkoŭski patłumačyŭ, čamu ŭ Rasii niama «svajoj Cichanoŭskaj»
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Žyvahłod-2