U biełaruskaj ahrasiadzibie prapanujuć kupańnie ŭ hlintviejnie
U adnym z zaharadnych kompleksaŭ pad Minskam prapanavali akunucca i paparycca ŭ vielizarnym čanie-džakuzi z kardamonam, karycaj, anisam, kalandraj, hvaździkom i cytrusavymi dolkami. Hetaja pasłuha nazyvajecca «Hlintviejn» i, jak śćviardžajuć uładalniki kompleksu, heta «samy vialiki hlintviejn u Biełarusi», zaŭvažyŭ Telegraf.news.
Novuju pasłuhu biełarusam prapanavali ŭładalniki ahrasiadziby Volki, jakaja znachodzicca za dziesiać kiłamietraŭ ad Minska i śpiecyjalizujecca na łaźnievych pasłuhach. Na proma-roliku, apublikavanym u Instagram-akaŭncie siadziby, para maładych ludziej sapraŭdy atrymlivaje zadavalnieńnie ŭ vielizarnym džakuzi, jakoje źvierchu nahadvaje kubak z haračym hlintviejnam.
Paparycca ŭ takim atmaśfiernym anturažy prapanujuć za 250 rubloŭ i abiacajuć pačastavać u dadatak chatnim duchmianym biezałkaholnym hlintviejnam.
Čym padfarboŭvajuć vadu ŭ džakuzi (a na videa vyrazna vidać, što jana maje nasyčany bardova-karyčnievy koler, jak i naležyć hlintviejnu), uładalniki siadziby nie ŭdakładniajuć.
«Dla mianie asałoda być siarod hetych pradmietaŭ». Siamja pramianiała kvateru na dom u vioscy i abstaviła jaho rarytetnymi rečami
Crowne Plaza Minsk zakryŭsia. Što adbyłosia i jaki sihnał atrymaŭ hatelny biznes
Reliktavy les, kibierdamy, azdaraŭlenčy turyzm. Pradprymalnik ź Minska źjechaŭ u viosku i zasnavaŭ tam try novyja biznesy
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary