Ksiondz Ihar Łašuk adchileny ad vykanańnia abaviazkaŭ na čas rasśledavańnia — Chryścijanskaja vizija
Paśla apublikavańnia vynikaŭ rasśledavańnia Rabočaha Ruchu archibiskup Juzaf Stanieŭski časova zabaraniŭ słužeńnie probašču sa Stoŭbcaŭ.
Pra heta pavodle ŭłasnych krynic paviedamlaje telehram-kanał «Chryścijanskaja vizija».
Adbyłosia heta nie paśla taho, jak rasśledavalniki sprabavali vyjści na suviaź ź Minska-Mahiloŭskaj kuryjaj i apostalskaj nuncyjaturaj u Minsku, a paśla apubličvańnia novych faktaŭ.
Učora kuryja Minska-Mahiloŭskaj archidyjacezii apublikavała paviedamleńnie, pavodle jakoha «Sprava ks. Ihara Łašuka, probašča parafii sv. Kazimira ŭ Stoŭbcach, daśledujecca ŭ śviatle normaŭ Kodeksa Kananičnaha prava».
Niekalki dzion tamu «Rabočy ruch» vypuściŭ rasśledavańnie pra toje, što tytuł papskaha rycara dla nabližanaha da Łukašenki biznesoŭca Alaksandra Zajcava łabiravaŭ ksiondz Ihar Łašuk, i heta rabiłasia dziela abychodu sankcyj.
Taksama ŭ rasśledavańni havorycca pra toje, što Ihar Łašuk, imavierna, źjaŭlajecca tatam dvuch chłopčykaŭ 2010 i 2013 h. n. i maje pastajannyja suviazi ź ich maci Taćcianaj Savickaj.
Katalickim śviataram zabaroniena mieć siamju, i jany prymajuć celibat.
«Naša Niva» — bastyjon biełaruščyny
PADTRYMAĆCiapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»44
Kamientary