Katalikam Stoŭbcaŭ pieradali ŭčastak ziamli, na jakim niekali stajaŭ histaryčny kaścioł
U kastryčniku 2023 hoda, praz dva hady paśla adšukańnia pareštkaŭ ksiandza Fabijana Mališoŭskaha, miascovaja katalickaja parafija atrymała ŭ karystańnie ziamielny ŭčastak, dzie byli znojdzienyja relikvii i dzie stajaŭ staradaŭni kaścioł, paviedamlaje Vatican News pa-biełarusku.
Na atrymanym učastku paśla praviadzieńnia raskopak płanujecca adbudavać kaplicu śviatoha Daminika, adnavić sklepy, dzie mieściacca pachavańni fundataraŭ i manachaŭ-daminikanaŭ. A ŭžo ciapier adbudavanaja častka byłoj kaściolnaj aharodžy i brama-zvanica.
Taksama viadziecca rabota pa ŭznaŭleńni kananizacyjnaha pracesu Fabijana Mališoŭskaha. Pry manachu Fabijanu Mališoŭskim ź jaho niepasrednym udziełam u Stoŭbcach byŭ u 1640 hodzie ŭźviedzieny katalicki chram imia Śviatoha Antonija. U žniŭni 1644-ha Fabijan Mališoŭski pamior i jaho pachavali ŭ pabudavanym im kaściole. U 1958 hodzie chram byŭ uzarvany, a pareštki Fabijana Mališoŭskaha ŭdałosia adšukać tolki ŭ 2021 hodzie. U kancy 2022 hoda ich uračysta pierazachavali, na cyrymonii prysutničali siarod inšych vysokija dziaržaŭnyja čynoŭniki.
A niekalki miesiacaŭ tamu stała viadoma, što staŭbcoŭski ksiondz Ihar Łašuk, jaki za hady śviatarstva zajmieŭ słavu «ksiandza-budaŭnika», znachodzicca ŭ ciesnych biznes-stasunkach z bujnym biznesmienam, adnym z «kašalkoŭ režymu» Alaksandram Zajcavym. Pavodle Biełaruskaha rasśledavalnickaha centra, u vieraśni 2021 hoda śviatar Ihar Łašuk zasnavaŭ kampaniju «Alis ma», na jakuju padsankcyjnyja ŭładalniki kampanii «Bremina hrup», što naležyć Zajcavu, pierapisali častku svajoj majomaści. I heta prytym, što zajmacca biznesam katalickim śviataram zabaraniaje navat kananičnaje prava.
«Moža, sami pabudźcie śviatymi?» Ksiondz Łašuk adkazaŭ na rasśledavańnie pra jaho suviazi z «kašalkom» Łukašenkaŭ, a paśla vydaliŭ post
Papa Francišak: Finansavyja skandały škodziać dobramu imieni Kaścioła
U Stoŭbcach znajšli pareštki katalickaha manacha XVII stahodździa. Jaho mahiła — miesca pałomnictva
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Vopierny teatr stalicy taksama staić na padmurkach staražytnaha chrama, na miescy jakoho za carskim časam zrabili vuhalny rynak, kab ścierci hetuju infarmacyju ź pamiaci tahačasnych žycharoŭ akruhi. A susiednija navakolnyja klaštary stalisia carkoŭnaje pravasłaŭnaje škołkaaj dziela chłopčykaŭ (ciapieraka MSVV) i carkoŭnaje pravasłaŭnaje škołkaj dziela dziaŭčynak (ciapieraka MA, były štab BVA). Adno što były klaštar ź pieršym haradzkim morham staŭsia na niejki čas Druhim savieckim špitalom, ciapieraka hatel.
Dyk što, taksama možna čakać spraviadlivaści? Ci ŭžo niama kamu hołas ŭźniać?