Hramadstva33

Na płoščy 1000-hodździa Viciebska ŭstanoviać fłahštok «dla patryjatyčnaha ŭzbahačeńnia»

Na sajcie harvykankama źjaviłasia abviestka pra «papiaredniaje infarmavańnie» žycharoŭ nakont novaha haradskoha abjekta pad nazvaj «Fłahštok na płoščy 1000-hodździa Viciebska». Jaho dakładnyja pamiery jašče nie vyznačany. Inicyjatary ŭźviadzieńnia havorać pra kanstrukcyju «vyšynioj ad 50 da 65 mietraŭ».

Płošča 1000-hodździa Viciebska. Fota: jouhny-trep.tourister.ru

«Admova ad realizacyi prajekta nie dazvolić realizavać zhadanyja vyšej mety i pryviadzie da adsutnaści zony patryjatyčnaha ŭzbahačeńnia i adpačynku nasielnictva», — havorycca ŭ materyjałach «papiaredniaha infarmavańnia».

Ź inšych mudrahielistych farmulovak vynikaje, što haradžan spaviaščajuć nie tolki pra fłahštok, ale i pra «arhanizacyju adpaviednaha dobraŭparadkavańnia dla ŭračystych cyrymonij i ekskursij turystaŭ, a taksama budaŭnictva nieabchodnych vonkavych inžyniernych sietak u achoŭnaj zonie historyka-kulturnaj kaštoŭnaści «Histaryčny centr Viciebska».

Kali bolš kankretna, to ŭ histaryčnym centry płanujuć ustalavać «nie mieniej za dva śviatłodyjodnyja ekrany, kanstrukcyju dla raźmiaščeńnia hierba Respubliki Biełaruś i hukavaha abstalavańnia dla prasłuchoŭvańnia himna, stełu z nazvaj płoščy».

Płošča Tysiačahodździa znachodzicca ŭ centralnaj častcy horada ta terytoryi byłoha Nižniaha zamka, jaki isnavaŭ u XIV—XVIII st. Da 1950-ch tut była ščylnaja haradskaja zabudova, jakuju pastupova znosili. Paśla ŭźviadzieńnia budynka dramteatra imia Jakuba Kołasa płošču, jakaja ŭtvaryłasia pierad im, nazvali Teatralnaj. Nazva była źmieniena ŭ 1974 hodzie, kali adznačałasia 1000-hodździe Viciebska.

Na płoščy, jakaja častkova zabrukavanaja, a častkova ŭjaŭlaje saboj zialony hazon, siońnia mieściacca adrestaŭravany chram XII st. — Dabravieščanskaja carkva i draŭlanaja carkva sv. Alaksandra Nieŭskaha. Taksama ŭ 2016 hodzie tut pastavili skulpturnuju kampazicyju, jakaja ŭvasablaje pryjezd Alaksandra Nieŭskaha ŭ Viciebsk da žonki i syna. Dzieści tut płanujuć ustanavić i ideałahičnyja abjekty.

«Papiaredniaje infarmavańnie» zusim nie aznačaje, što ŭłady vyrašyli paraicca ź miascovymi žycharami nakont uvasableńnia hetaj idei. Viciablan zaprosiać tolki na hramadskaje abmierkavańnie spravazdačy ab uździejańni abjekta na navakolnaje asiarodździe, jakoje budzie praciahvacca z 26 śniežnia da 25 studzienia ŭžo nastupnaha hoda.

Tady i prademanstrujuć, jak majuć vyhladać fłahštok, steła, śviatłodyjodnyja ekrany i ŭsio inšaje, što źbirajucca ŭźvieści ŭ histaryčnym centry horada.

Kamientary3

  • Zdoch savok, zdochnie i hetaja pačvara
    25.11.2023
    Saŭkovyja marazmatyki ŭžo uzbahacili. Až razvalilisia ad uzbahačeńnia.
  • Pavieł
    25.11.2023
    Očieriednoj raśpił dieniežnych sriedstv naroda
  • zubr
    25.11.2023
    Viciebsku tysiaču hadoŭ, jakich tolki ściahoŭ jon nie pieražyŭ na svaim viaku, pieražyvie i hetaje stalinskaje nieparazumieńnie.

Ciapier čytajuć

Rasijskaja armija prarvała pad Dabrapollem apošniuju kapitalnuju liniju abarony Danbasa12

Rasijskaja armija prarvała pad Dabrapollem apošniuju kapitalnuju liniju abarony Danbasa

Usie naviny →
Usie naviny

Arhanizatary kancerta Karža prysłali eks-palitźniavolenaj zaprašalnyja kvitki22

«Chapajusia za ŭsie mahčymaści». Jak spravy ŭ studentaŭ-ajcišnikaŭ, jakich adličyli, 5 hadoŭ paśla

«Takoje — paŭsiudna». Videa z karovami ŭ hrazi ŭ Dobrušskim rajonie stała virusnym u sacsietkach6

Cichanoŭskaja napiaredadni sustrečy Trampa i Pucina: My nie pavinny dazvolić Maskvie stvarać śfiery ŭpłyvu10

Mužčyna i dziaŭčyna ź Minska na jachcie z 17-hadovym styrnavym pierakulilisia na voziery ŭ Brasłavie — vyratavali ŭsich traich

Zahinuŭ 24-hadovy z-błohier Śviatoša, jaki chvaliŭsia zabojstvami pałonnych10

Na prypynku «Łamanosava» ŭ stalicy adramantavali asfalt. Vynik uražvaje2

U paŭdniovaj Jeŭropie staić čyrvonaja śpioka4

Maci čatyroch dziaciej, jakuju schapili na vychadzie z ankadyspansiera, adpuścili da suda dadomu2

bolš čytanych navin
bolš łajkanych navin

Rasijskaja armija prarvała pad Dabrapollem apošniuju kapitalnuju liniju abarony Danbasa12

Rasijskaja armija prarvała pad Dabrapollem apošniuju kapitalnuju liniju abarony Danbasa

Hałoŭnaje
Usie naviny →

Zaŭvaha:

 

 

 

 

Zakryć Paviedamić