U piatnicu na pamiežnym punkcie ŭ Narvie praciahnuli padrychtoŭku da mahčymaha zakryćcia miažy z Rasijaj. Na moście pastavili dadatkovyja zaharody, piša ERR.
Pieršyja bietonnyja piramidy na moście ŭ Narvie źjavilisia ŭviečary 16 listapada paśla taho, jak na ŭschodniuju miažu Estonii prybyli 19 hramadzian Samali i Siryi, jakija sprabavali biez zakonnych padstaŭ prabracca ŭ krainu praz pahranpierachod u Narvie.
U čaćvier prefiektura Departamienta palicyi i pamiežnaj achovy Idy (rehijon na ŭschodzie Estonii) paviedamiła, što ŭ suviazi z abvastreńniem mihracyjnaj situacyi pamiežny punkt u Narvie moža być zakryty. U takim vypadku budzie składana viarnucca ŭ Estoniju, tamu ŭłady nie rekamiendujuć jeździć u Rasijskuju Fiederacyju.
«My rychtujemsia da zakryćcia pahranpunkta. My zakryjem dla ruchu dźvie pałasy, heta pakul nie budzie pieraškadžać ruchu aŭtamabilaŭ. A na zakrytym ciapier piešachodnym pamiežnym punkcie «Narva-2» umacujem aharodžy na moście, kab nielha było jaho vykarystoŭvać dla niezakonnaha pierasiačeńnia miažy», — paviedamiła prefiektura.
«My ŭvažliva sočym za tym, što adbyvajecca na miažy, bo Rasija ažyćciaŭlaje mihracyjny cisk u dačynieńni da Estonii i Finlandyi, adpraŭlajučy da našaj miažy ludziej, jakija nie majuć prava na ŭjezd u Jeŭrasajuz. Ź minułaha tydnia niekalki bujnych hrup sprabavali trapić u Estoniju», — dadali ŭ prefiektury Idy.
Zaharody spatrebiacca i ŭ dalejšym, pakolki 1 lutaha zakryjecca na rekanstrukcyju KPP «Ivanhorad».
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1414
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?14
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary