«Kab paśla śmierci lažać i hladzieć na jaje pryhožuju». Pamierła žančyna, jakaja natchniła ludziej na adnaŭleńnie kaplicy Višnieŭskich
Kranalny apovied pra adnaŭleńnie zaniadbanaj kaplicy rodu Višnieŭskich i pra ludziej, natchnieńniem i pracaj jakich heta adbyłosia, apublikavaŭ instahram-akaŭnt «Rodny kraj. Biełaruś».
«Časam atrymlivajecca tak, što za pavarotam nas čakaje cikavaja historyja. I tolki ad nas zaležyć, žadajem my ŭ hetaj historyi ŭdzielničać, ci daviedacca ab joj, albo być adnym ź jaje hierojaŭ».
Z hetych słoŭ try hady tamu pačynałasia maja pieršaja publikacyja pra kaplicu Višnieŭskich. Ja navat nie moh ujavić, što mianie čakaje napieradzie i jak hetaja historyja źmienić majo žyćcio.
U 2008 hodzie žychar vioski Aksakaŭščyna, što ŭ niekalkich kiłamietrach ad kaplicy, Juryj Bojka viartaŭsia dadomu z pracy, ale vyrašyŭ pajechać inšaj darohaj.
Raptam u vioscy Tejki jon ubačyŭ na starych mohiłkach kaplicu, spyniŭsia i padyšoŭ da jaje. Budynak vielmi ŭraziŭ Juryja, choć i byŭ u sumnym stanie.
Praź niejki čas Juryj sustreŭ na svaim šlachu čałavieka, jaki zajmaŭsia adnaŭleńniem kaścioła ŭ Minsku. Hetaja sustreča stała znakam dla Juryja, i jon vyrašyŭ, što nie daść źniknuć z tvaru ziamli toj kapličcy.
11 hadoŭ Juryj z baćkam adnaŭlali kaplicu. Ale ŭ 2019 hodzie z-za pracy Juryju pryjšłosia pierajechać, i raboty spynilisia.
Maja historyja pačałasia try hady tamu. Ja hetak ža vypadkova pajechaŭ inšym šlacham i apynuŭsia na darozie, la jakoj znachodziłasia kaplica. I hetak ža sama vyrašyŭ spynicca.
Kala kaplički, na mohiłkach, ja sustreŭ Lidziju Mikałajeŭnu, babulu, jakaja žyvie ŭ hetaj vioscy.
Jana raspaviała mnie pra svaju maru: «Kab adnojčy kapličku adnavili, kab paśla śmierci lažać i hladzieć na jaje pryhožuju».
Hetaja sustreča mianie tak kranuła, što ja napisaŭ post pra hetaje miesca.
I praz tydzień adbyŭsia cud — mnie pryjšoŭ list ad Juryja, jaki raspavioŭ mnie svaju historyju i spytaŭ, ci nie žadaju ja praciahnuć jaho pracu.
Tak los pryvioŭ mianie ŭ hetaje miesca, paznajomiŭ ź Lidzijaj Mikałajeŭnaj i Juryjem, tak pačałasia maja niejmaviernaja historyja, źviazanaja z adnaŭleńniem kaplicy Višnieŭskich.
I voś u listapadzie 2023 hoda kaplica adnoŭlena! Toje, što zrabiŭ Juryj, prosta niejmavierna! Jon zmoh adnavić historyju, jakaja amal źnikła.
Ja chaču skazać vialiki dziakuj losu za hetyja try hady, što my pracavali ŭ kapličcy, dzie na svaim šlachu ja sustreŭ bieźlič cikavych ludziej, a hety maleńki pieryjad žyćcia sam staŭ dla mianie cełym žyćciom.
Ale jość i drennyja naviny.
Učora, 22.11.2023, na mohiłkach kala kaplicy była pachavanaja Lidzija Mikałajeŭna.
Padrabiazna pra historyju adnaŭleńnia kaplicy rodu Višnieŭskich u vioscy Tejki čytajcie tut.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary