Siońnia finišavaŭ adboračny turnir da čempijanatu Jeŭropy pa futbole.
U hrupie I zbornaja Biełarusi ŭ Pryšcinie pieramahła Kosava ź likam 1:0. Adziny miač u sustrečy na 43-j chvilinie zabiŭ forvard BATE Dźmitryj Ancileŭski.
U pieršym kruhu ŭ červieni biełarusy taksama pieramahli kasavaraŭ, tolki tady lik byŭ 2:1. I heta byŭ apošni matč pad kiraŭnictvam hałoŭnaha treniera Hieorhija Kandraćjeva.
Siońnia Rumynija pieramahła Šviejcaryju 1:0, a Izrail u haściach Andoru 2:0.
Paśla 10 turaŭ: Rumynija — 22, Šviejcaryja — 17, Izrail — 15, Biełaruś — 12, Kosava — 11, Andora — 2.
Zbornaja Biełarusi, jakuju z žniŭnia ŭznačalvaje ispaniec Karłas Ałos, finišavała na 4-m miescy.
Za 30 hadoŭ niezaležnaści zbornaja Biełarusi ni razu nie hulała ŭ finalnych stadyjach čempijanataŭ Jeŭropy i śvietu.
U kamandy try pieramohi (aproč pieramoh nad Kosava, dadałasia pieramoha (1:0) u minułuju subotu nad Andoraj),
try ničyi: Andora (0:0), Rumynija (0:0), Šviejcaryja (3:3),
čatyry parazy: Šviejcaryja (0:5), Rumynija (1:2), Izrail (1:2, 0:1).
Pry Karłasie Ałosie biełarusy nabrali 9 bałaŭ (dźvie pieramohi, pryčym u dvuch apošnich matčach, try ničyi, adna paraza),
padčas kiravańnia Hieorhija Kandraćjeva, z ź jakim pačynali turnir, nabrali ŭsiaho try bały (adna pieramoha, try parazy).
Nastupnyja dva aficyjnyja matčy zbornaja Biełarusi praviadzie ŭ sakaviku 2024 hoda.
Heta buduć stykavyja dueli suprać zbornaj Litvy za prava zastacca ŭ dyvizijonie S turniru «Liha nacyj».
Pieršy pajadynak projdzie ŭ Litvie 24 sakavika, napiaredadni Dnia voli. Matč u adkaz — 29 sakavika, chutčej za ŭsio, na niejtralnym poli.
Kamanda, jakaja prajhraje pa sumie dźviuch hulniaŭ, vylecić u dyvizijon słabakoŭ D, dzie budzie cielapacca z takimi zbornymi, jak Andora, Hibrałtar, Łatvija, Lichtenštejn, Malta, San-Maryna.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary