Śpikierka litoŭskaha parłamienta raskazała Papu Francišku pra biełaruskich palitviaźniaŭ
U paniadziełak Papa Francišak pryniaŭ na aŭdyjencyi śpikierku Siejma Litvy Viktoryju Čmilicie-Nilsen. Jana taksama padaryła pantyfiku faksimile malunka śviatoha Jazafata Kunceviča.
«Padčas aŭdyjencyi my abmierkavali namahańni pa akazańni dapamohi pakutujučamu ŭkrainskamu narodu i akazańni dapamohi vajennym uciekačam z Ukrainy. Ja padziakavała śviatomu Ajcu za jaho namahańni pa ŭstalavańni miru i malitvy, ale padkreśliła, što śviet maje być spraviadlivym.
My taksama razmaŭlali pra toje, jak Rasija zdolnaja vykarystoŭvać kožnaje niedakładnaje abo dvuchsensoŭnaje słova dla apraŭdańnia svajoj ahresii. I jaki važny ŭpłyŭ akazvajuć słovy Papy na narody, što imknucca da svabody i abaraniajuć demakratyju, my adčuli sami, kali imknulisia da niezaležnaści.
Siońnia ŭkraincy i palitviaźni ŭ Biełarusi majuć vostruju patrebu ŭ hetych słovach i padtrymcy», — napisała Viktoryja Čmilicie-Nilsen u svaim fejsbuku.
Palityk naviedała vystavu pasolstva Litvy pry Śviatym Prastole ŭ Rymie z nahody 400-hodździa pakutnickaj śmierci biskupa Jazafata Kunceviča i ŭziała ŭdzieł u vystavie Sv. Jazafata i liturhii ŭ bazilicy śviatoha Piatra.
Viktoryja Čmilicie-Nilsen padaryła pantyfiku faksimile malunka Jazafata Kunceviča, jakoje zachoŭvajecca ŭ biblijatecy Urubleŭskich Litoŭskaj akademii navuk.
Ciapier čytajuć
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3434
Kamientary