Vynikovy mužčynski turnir 2023 hoda tolki startavaŭ, ale sierba ŭžo nie dahnać u rejtynhu.
U svaim pieršym matčy na vynikovym turniry ATP (Asacyjacyi tenisistaŭ-prafiesijanałaŭ) Novak Džokavič adoleŭ u troch setach 20-hadovaha datčanina Cholhiera Rune 7:6 (7:4), 6:7 (1:6), 6:3 i zabiaśpiečyŭ sabie pieršaje miesca ŭ rejtynhu pa vynikach hoda.
Jaho adryŭ ad ispanca Karłasa Alkarasa składaje 1690 bałaŭ, tady kali za pieramohu ŭ finale možna atrymać 1500 bałaŭ.
«Dla mianie samaja vialikaja meta zaraz — skončyć siezon hulcom № 1 u śviecie, tak što, spadziajusia, mnie ŭdasca damahčysia hetaha. Mnie patrebna adna pieramoha, tak što spadziajusia, što heta adbudziecca. I, viadoma, mnie chaciełasia b vyjhrać turnir. Ale heta meta, a potym pahladzim, što budzie», — kazaŭ Džokavič pierad turniram.
U sierba 97 pieramohaŭ na turnirach, pryčym 24 pieramohi na turnirach Vialikaha šlema (h. zn., Adkrytym čempijanacie Aŭstralii, Adkrytym čempijanacie Francyi (Rałan Haros), Uimbłdonskim turniry i US Open), a taksama jon šeść razoŭ stanaviŭsia pieramožcam Vynikovych turniraŭ.
Sioleta Novak pieramoh na troch z čatyroch turniraŭ Vialikaha šlema: u Aŭstralii, Francyi i ZŠA.
Vynikovy turnir u žančyn vyjhrała Iha Śviontak, jakaja viarnuła sabie pieršaje miesca ŭ rejtynhu.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary