Televiadoŭca i šoŭmien prakamientavaŭ naviny pra svajo zatrymańnie.
Učora «Naša Niva» paviedamiła, što byŭ zatrymany televiadoŭca i šoŭmien Dzianis Kurjan. Ci adbyŭ jon administracyjny aryšt, ci zatrymańnie było karotkaterminovym, nie viadoma, ale zdaryłasia heta minimum tydzień tamu.
Dzianis Kurjan u intervju Tochka.by skazaŭ, što «ničoha takoha nie było».
«Sa mnoj usio ŭ paradku. Ja doma ŭ Biełarusi. Pracujem, jak i raniej», — paviedamiŭ Kurjan.
Taksama Dzianis učora, paśla navin, vykłaŭ u instahramie fota z žonkaj, napisaŭšy: «Kachaju i ŭsio tut». Ale heta raniejšy zdymak.
Raniej paviedamlałasia pra zatrymańnie błohierki Hanny Bond i śpiavački Łarysy Hrybalovaj. Jany prychod siłavikoŭ nie kamientavali. Łarysa Hrybalova ŭ dzień, kali źjavilisia naviny pra zatrymańnie, praź niekalki hadzin apublikavała dopis, što jana doma. HUBAZiK u svaim kanale koratka prakamientavaŭ situacyju: «Vsio normalno, mama, tuk-tuk-tuk-tuk-tuk-tuk…» Nu počti».
Hanna Bond vyjšła ŭ efir praz paru tydniaŭ paśla zatrymańnia. «Siabry, paŭza zaciahnułasia, tamu ja vychodžu ŭ efir. Ja žyvaja-zdarovaja, sa mnoj usio dobra», — łakanična źviarnułasia jana da svaich padpisčykaŭ.
Adzin z klijentaŭ błohieraŭ raskazaŭ «Našaj Nivie», što ad usich zatrymanych zapatrabavali spynić miedyjnuju aktyŭnaść i biznes. Toje samaje niezaležna ad jaho raspavioŭ adzin z supracoŭnikaŭ dziaržaŭnych ŚMI.
-
Tvar HUBAZiKa pachvaliłasia miedalom «Za zasłuhi pierad śpiecnazam» z emblemaj Rashvardyi. Jaho možna kupić za 40 rubloŭ
-
Bondarava bje tryvohu: u Babrujsku Lenin pakryŭsia ćvillu, a na administracyju paviesili «BČB-arnamient» ź dziaržściaha
-
«Zamiest «białki» napisana pra niejkich vaviorak». Maładaja nastaŭnica vykładaje chimiju na biełaruskaj movie i raskazvaje, jak jano
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary