U Łatvii zabaranili jeździć na aŭto z rasijskimi numarami. Jość tolki adno vyklučeńnie
Siońnia Siejm Łatvii pryniaŭ u kančatkovym čytańni papraŭki da zakonu ab darožnym ruchu, jakija praduhledžvajuć zabaronu na znachodžańnie ŭ Łatvii transpartnych srodkaŭ, zarehistravanych u Rasii, paviedamlaje LETA.
Zakon praduhledžvaje, što ŭładalnik zarehistravanaha ŭ Rasii transpartnaha srodku pavinien zarehistravać jaho ci vyvieźci z Łatvii nie paźniej za 14 lutaha nastupnaha hoda. Vykarystańnie zarehistravanych u Rasii transpartnych srodkaŭ u darožnym ruchu na terytoryi Łatvii budzie dazvolena ŭ vypadku tranzitnaha prajezdu praz terytoryju Łatvii. Transpartnamu srodku, zarehistravanamu ŭ Rasii, budzie dazvolena prajazdžać tranzitam praz terytoryju Łatvii tolki adzin raz.
Kali transpartny srodak nie zarehistravany ŭ Łatvii ci nie vyjazdžaje z Łatvii i budzie vyjaŭlena, što jon niezakonna jeździć tam, to jon budzie kanfiskavany. Płanujecca, što kanfiskavanyja aŭtamabili buduć pieradavacca Ukrainie, tym samym padtrymlivajučy jaje ŭ baraćbie ź dziaržavaj-ahresaram.
U toj ža čas papraŭki praduhledžvajuć abaviazak asoby da ŭjezdu ŭ Łatviju praz elektronnyja servisy dyrekcyi biaśpieki darožnaha ruchu padać infarmacyju ab transpartnym srodku, kiroŭcy i pieryjadzie, na praciahu jakoha transpartny srodak budzie jeździć u Łatvii. Hety pieryjad nie pavinien pieravyšać 24 hadzin.
Raniej Siejm Łatvii abmiarkoŭvaŭ, ci nie ŭvieści abmiežavańni i dla biełaruskich aŭto. Ale paśla vizitu ŭ Ryhu Ofisa Cichanoŭskaj z prajekta zakonu zhadku pra biełarusaŭ vyklučyli.
Kamientary