Va Ukrainie razhramili bataljon z Čuvašyi. Jon trapiŭ pad abstreł HIMARS
Paviedamleńni miascovych kanałaŭ pra straty roźniacca. Pa adnych źviestkach, zahinuli 19 čałaviek i 40 paranienyja. Pa druhich źviestkach, zahinuli i paranienyja da 120 čałaviek. Pavodle kanałaŭ, bataljon hod tamu sabrali ŭ Čuvašyi.
U rasijskaj Čuvašyi zajavili ab razhromie čuvašskaha bataljona «Atał», jaki składaŭsia z mabilizavanych žycharoŭ respubliki. Ukrainskija vajskoŭcy z dapamohaj HIMARS raźnieśli kałonu, paviedamlaje «Siardzitaja Čuvašyja».
«U niadzielu 29 kastryčnika pry padrychtoŭcy da pierajezdu 1 bataljon 1251 motastrałkovaha pałka trapiŭ pad abstreł rakietami HIMARS. U hetym pałku słužać žychary Čuvašyi, a kamanduje pałkom uradženiec Čuvašyi Uładzisłaŭ Matuzas.
Pieravažna aŭtamabilnaja kałona akupantaŭ składałasia z KAMAZaŭ i UAZaŭ, jakija pieravozili vajskoŭcaŭ», — piša kanał.
Paviedamleńni pra zabitych roźniacca. Pa adnych źviestkach, zahinuli 19 čałaviek i 40 paranienych. Pa druhich źviestkach zahinuli i paranienyja da 120 čałaviek.
Vajenkam Čuvašyi pryhraziŭ kryminalnaj adkaznaściu za abnarodavańnie «niedakładnych» źviestak.
Tym časam u internecie źjavilisia śpisy zahinułych i paranienych.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary