Stała viadoma, kolki kaštuje bilet na humanitarny rejs «Biełavija» ź Izraila
Rejs vykanaje «Biełavija» 6 listapada (reziervovaja data — 9 listapada).
Kvitok na humanitarny rejs «Biełavija» ź Izraila ŭ Biełaruś kaštuje 550 dalaraŭ. Pra heta Reform.by raspaviali ŭ pradstaŭnictvie avijakampanii ŭ Tel-Avivie.
Rejs vylecić z Tel-Aviva ŭ Minsk 6 listapada kala 11 hadzin, kožny pasažyr zmoža zdać adzin pradmiet bahažu i ŭziać na bort adzin pradmiet ručnoj pakłažy, udakładnili ŭ pradstaŭnictvie.
Dla paraŭnańnia: kvitki na kamiercyjnyja rejsy da Varšavy ci Maskvy možna kupić istotna tańniej. Ceny na kvitki da Varšavy na 6 listapada pačynajucca ad 294 dalaraŭ, da Maskvy — ad 400 dalaraŭ biez bahažu.
Biełarusy, u jakich termin dziejańnia pašparta skončyŭsia, humanitarnym rejsam skarystacca nie zmohuć.
Raniej paviedamlałasia, što rejs vykanaje «Biełavija» 6 listapada (reziervovaja data — 9 listapada). Humanitarny rejs budzie vykonvacca na kamiercyjnaj asnovie i pryznačany tolki dla hramadzian Biełarusi. Zarehistravacca na jaho možna tolki pa sapraŭdnych biełaruskich prajaznych dakumientach.
Pradstaŭnictva avijakampanii ŭ Tel-Avivie aktualizuje źviestki pra biełarusaŭ, jakija žadajuć zarehistravacca na rejs. Vykanańnie rejsa, jaho dakładnaja data i čas buduć paćvierdžany dadatkova pry indyvidualnym kantakcie.
Achvotnyja skarystacca rejsam mohuć źviarnucca ŭ pradstaŭnictva «Biełavija» ŭ Tel-Avivie. Kantakty: +972 3 529 29 94/95, [email protected], vuł. Fryšman, 8.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary