Rabotnikam «Naftana», zatrymanym padčas «chapunu» 17 kastryčnika, pryznačyli aryšty
Spravy niekalkich zatrymanych raźbirała 18 kastryčnika sumnaviadomaja sudździa Navapołackaha haradskoha suda Zinaida Bałabołava. Napiaredadni niekalki čałaviek trapili pad milicejski «chapun» prosta na prachadnoj.
Dvum «naftanaŭcam» Bałabołava pryznačyła pa 13 sutak aryštu za najaŭnaść na staronkach u «Adnakłaśnikach» adnoj abo niekalkich «ekstremisckich» spasyłak. Jašče adnaho kalehu aryštavali na 15 sutak za reposty z troch «ekstremisckich krynic». Usie troje asudžany pavodle č. 2 art. 19.11 KaAP. Pavodle milicejskich pratakołaŭ, milicyjanty zaŭvažyli prykmiety pravaparušeńnia miesiac tamu, 15 vieraśnia.
Jašče adnaho rabotnika «Naftana» sud pryznaŭ vinavatym u «niesankcyjanavanym pikietavańni» pavodle art. 24.23 KaAP.
Niepasredna ŭ dzień zatrymańnia na jahonaj staroncy «UKantakcie» znajšli fotazdymki ź bieł-čyrvona-biełymi ściahami i nadpisam «Biełorusskij protiest: ciepi biez solidarnosti». Svaje viny jon nie pryznaŭ, jak piša «Viasna».
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary