U Isłandyi pačaŭsia masavy strajk žančyn. Biare ŭdzieł i staršynia ŭrada
Jany pratestujuć suprać hvałtu i hiendarnaha razryvu ŭ apłacie pracy.
Udzielniki strajku na adzin dzień spyniać pracu — jak apłačvanuju, tak i nieapłačvanuju, u tym liku chatnija spravy, — «kab prademanstravać važnaść svajho ŭniosku ŭ hramadstva». U strajku biare ŭdzieł i kiraŭnik urada krainy Katryn Jakabsdoŭcir, piša Rasijskaja słužba Radyjo Svaboda.
Pratest prachodzić pad łozunham «Vy nazyvajecie heta roŭnaściu?». U rejtynhu krain pa hiendarnym raŭnapraŭi Isłandyja lidziruje ŭžo 14 hadoŭ zapar.
«Pra Isłandyju kažuć jak pra raj roŭnaści. Ale ŭ rai roŭnaści nie pavinna być 21% razryvu ŭ zarobku i 40% žančyn, jakija sutyknulisia z hiendarnym abo seksualnym hvałtam», — kaža Frej Stejnhrymsdoŭcir, adna z natchnialnic strajku.
Strajkoŭcy patrabujuć apublikavać źviestki ab zarobku rabotnic prafiesij, jakija ličacca pieravažna žanočymi, i pryniać miery suprać hiendarnaha i seksualnaha hvałtu, nakiravanyja na jaho aŭtaraŭ.
Čakajecca, što ŭ centry Rejkjavika źbiarucca nie mienš za 25 tysiač čałaviek, jašče stolki ž voźmuć udzieł u dziesiaci inšych akcyjach pa ŭsioj krainie (nasielnictva Isłandyi — 370 tysiač čałaviek).
Zabastoŭka moža stać najbujniejšaj z 1975 hoda, kali ŭ joj uziali ŭdzieł 90% žančyn. «Strajk maci» tady pryvioŭ da pašyreńnia pravoŭ isłandak i, u tym liku, da abrańnia ŭ 1980 hodzie Vihdys Finbahadoŭcir prezidentkaj krainy. Jana ličycca pieršaj u śviecie žančynaj, jakaja stała kiraŭnikom dziaržavy pa vynikach vybaraŭ.
U adroźnieńnie ad «strajku maci», u ciapierašnim udzielničajuć i niebinarnyja piersony — tyja, chto nie ličyć siabie ni žančynaj, ni mužčynam. Pa słovach Stejnhrymsdoŭcir, jany z hiendarkvirami vyrašyli abjadnać namahańni, tamu što «zmahajucca z adnoj i toj ža sistemaj i znachodziacca pad upłyvam patryjarchatu».
-
Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
-
U Techasie mužčyna rasstralaŭ natoŭp kala bara. ŚMI źviazvajuć heta z amierykanskimi ŭdarami pa Iranie
-
ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary