Michaiła Łapunova asudzili da administracyjnaha aryštu piaty raz zapar
Hamielčuka Michaiła Łapunova, baćku palityčnaha źniavolenaha Mikity Załatarova, znoŭ asudzili ŭ sudzie Centralnaha rajona horada Homiela. Heta ŭžo piaty 15-sutkavy prysud hetamu čałavieku, paviedamiła «Homielskaja viasna».
Termin čaćviortaha administracyjnaha aryštu pavinien byŭ skončycca 9 kastryčnika, ale zamiest voli Michaił Łapunoŭ čarhovy raz byŭ asudžany pa častcy 2 artykuła 19.11 KaAP Biełarusi «Raspaŭsiudžvańnie infarmacyjnaj pradukcyi, uklučanaj u respublikanski śpis ekstremisckich materyjałaŭ, a taksama vyrab, vydańnie, zachoŭvańnie abo pieravozka z metaj raspaŭsiudžvańnia takoj infarmacyi».
Sudździa Alesia Osipava znoŭ pryznała mužčynu vinavatym u raspaŭsiudzie «ekstremisckich» materyjałaŭ i pryznačyła novaje pakarańnie ŭ vyhladzie 15 sutak administracyjnaha aryštu.
Padtrymać źniavolenaha Michaiła Ryhoraviča Łapunova možna paštoŭkami i listami, dasłaŭšy ich na adras: IČU, vuł. Mižharodniaja, d. 26, h. Homiel, 246144.
Syn Michaiła — Mikita — ci nie najmaładziejšy z zatrymanych u vyniku pratestaŭ 2020 hoda. Na toj momant 16-hadovaha Mikitu, chvoraha na epilepsiju, abvinavacili ažno pavodle troch artykułaŭ Kryminalnaha kodeksa i asudzili na 5 hadoŭ vychavaŭčaj kałonii.
Paźniej na chłopca zaviali jašče adnu kryminalnuju spravu — za toje, što jon nibyta napaŭ na supracoŭnika SIZA i pahražaŭ jaho rodnym.
Ahulny termin pakarańnia dla Mikity skłaŭ 4 hady i 6 miesiacaŭ vychavaŭčaj kałonii.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary