U Nacyjanalnaj biblijatecy adkryłasia vystava da 100-hodździa litabjadnańnia «Maładniak»
Abjadnańnie «Maładniak» paŭstała jak hurtok maładych paetaŭ pry časopisie «Maładniak». Dataj jaho stvareńnia ličycca 28 listapada 1923 hoda, kali ŭ minskim kamsamolskim kłubie «KIM» sabralisia šeść maładych piśmieńnikaŭ — Michaś Čarot, Anatol Volny, Aleś Dudar, Andrej Aleksandrovič, Adam Babareka, Jazep Pušča — i vyrašyli stvaryć litaraturnaje abjadnańnie. Čatyry ź ich praz 15 hadoŭ byli rasstralanyja.
Filijały «Maładniaka» byli arhanizavanyja ŭ Maskvie, Viciebsku, Połacku, Mahilovie i inšych haradach, a potym aformiłasia Usiebiełaruskaje abjadnańnie paetaŭ i piśmieńnikaŭ «Maładniak». Niahledziačy na toje, što spačatku arhanizacyja nie mieła ni naležnaha finansavańnia, ni ŭłasnaha budynka, jaje papularnaść siarod moładzi rasła vielmi chutka, i ŭžo ŭ 1925—1926 hadach kolkaść siabroŭ dasiahała 500 čałaviek, kolkaść filijałaŭ — 12.
Z «Maładniaka» vyjšli viadomyja piśmieńniki i paety — Uładzimir Duboŭka, Kuźma Čorny, Źmitrok Biadula, Michaś Zarecki, Paŭluk Trus, Michaś Čarot, Jan Skryhan, Jazep Pušča, Piatruś Broŭka, Piatro Hlebka i mnohija inšyja.
Tematyčnaja vystava «Maładniak» — staronka historyi biełaruskaj litaratury», prymierkavanaja da 100-hodździa z času ŭtvareńnia pieršaha litaraturnaha abjadnańnia piśmieńnickaj moładzi, prachodzić z 18 kastryčnika pa 3 śniežnia ŭ zale biełaruskaj litaratury (pam. 205), piša Reform.by.
Ekspazicyja znajomić z šyrokim kołam jak asobnych vydańniaŭ tvoraŭ maładniakoŭcaŭ 20-ch — 30-ch hadoŭ, tak i ź ich časopisnymi publikacyjami.
Da 100-hodździa litabjadnańnia ŭžo piaty hod Nacyjanalnaja biblijateka viadzie maštabny prajekt «Na chvali času, u płyni žyćcia», u jakim možna paznajomicca ź virtualnymi ekspazicyjami, pryśviečanymi ŭdzielnikam zhurtavańnia.
Pradstaŭlenyja ŭ ekspazicyi knihi možna zakazać praz elektronny katałoh Nacyjanalnaj biblijateki Biełarusi.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary