Machlary prydumali jašče adzin sposab internet-padmanu, na jaki moža trapicca kožnaja siamja
Vypadki machlarstva z vykarystańniem fišynhavych sajtaŭ pačaścilisia.
U staličnuju milicyju źviarnułasia dvoje mužčyn z zajavaj ab machlarstvie.
«Jany płanavali praź internet apłacić kamunałku, dla čaho ŭ braŭziery ŭviali zapyt «internet-bankinh» i pierajšli pa pieršaj ža spasyłcy. Jany ŭviali apłatnyja rekvizity i źviestki kartki, i praź niekatory čas ź ich rachunku byli śpisanyja hrošy. Adzin straciŭ bolš za 2000 rubloŭ, druhi — bolš za 700 rubloŭ, — raspavioŭ «Minsk-navinam» supracoŭnik Savieckaha RUUS Alaksandr Piskunoŭ.
Raspačatyja kryminalnyja spravy.
U milicyi adznačajuć, što vypadki machlarstva z vykarystańniem fišynhavych sajtaŭ pačaścilisia. Ludzi niaredka pierachodziać pa spasyłcy ŭ internecie, nie źviartajučy ŭvahi na adras, i ŭvodziać svaje apłatnyja źviestki.
— Milicyja nahadvaje hramadzianam, što pry apłacie tavaraŭ abo pasłuh u internecie varta ŭvažliva razhledzieć nazvu sajta ŭ adrasnym radku. Adras fišynhavaha sajta budzie mieć źmienienyja litary ci lišnija simvały, — padkreśliŭ A. Piskunoŭ.
Akramia taho, u RUUS nahadali, što biaśpiečniej za ŭsio ździajśniać anłajn-płaciažy praz aficyjnyja mabilnyja dadatki bankaŭ.
Litva znoŭ začyniła miažu ź Biełaruśsiu — iznoŭ šary z kantrabandaj9
Kamientary