MAZ, MAZ i jašče raz MAZ. Pahladzieli, jakija prapanovy pracy byli na kirmašy vakansij
Kamitet pa pracy, zaniataści i sacyjalnaj abaronie Minharvykankama pravioŭ elektronny kirmaš vakansii. Čynoŭniki padkreślili, što majuć prapanovy ŭ tym liku i dla moładzi.
Elektrony kirmaš pracuje stroha pa vyznačanym hrafiku. Siońnia, naprykład, pabačyć vakansii možna było tolki z 10 da 12 hadziny dnia. A roŭna apoŭdni dostup da bazy prypynili.
Najbolš vakansij na elektronnym kirmašy pradstaviŭ MAZ: z 420 vakansij pradpryjemstvu naležała ažno 230.
Kali havaryć ab zaniataści na poŭnuju staŭku, to minimalny zarobak na kirmašy prapanoŭvała «Biełpošta»: 554 rubli na miesiac hatovy płacić kantraloru na kantrolna-prapusknym punkcie (volnymi byli adrazu try miescy). Paznačana, što saiskalniku dastatkova mieć ahulnuju adukacyju. Na 15 kapiejek bolš (554 rubli 15 kapiejek) na hetym pradpryjemstvie moža atrymać elektramancior pa ramoncie i absłuhoŭvańni elektraŭstanovak.
Taksama pradpryjemstva šukaje tryccać piać paštaljonaŭ. I heta nie ździŭlaje, kali pahladzieć na prapanavany zarobak — 594 rubli 9 kapiejek. Patrebnyja «Biełpošcie» i siem kiroŭcaŭ. Im hatovy płacić 596 rubloŭ 99 kapiejek.
Za 560 rubloŭ na miesiac MAZ šukaje presoŭščyka vyrabaŭ z płastmas. Stolki ž na pradpryjemstvie hatovy płacić vartaŭniku. Taksama MAZu patrabujecca tryccać vosiem prybiralščykaŭ pamiaškańniaŭ. Zarpłatu prapanujuć u 730 rubloŭ.
Respublikanski reabilitacyjny centr dla dziaciej-invalidaŭ šukaje sanitara na zarobak 650 rubloŭ. Tut ža patrabujecca prybiralščyk terytoryi. Zarablać jon budzie 741 rubiel 82 kapiejki. A 10-ja haradskaja kliničnaja balnica prapanuje pracu miedycynskaha dezinfiektara za 717 rubloŭ 70 kapiejek.
Najbolš vysoki zarobak — 5 tysiač 514 rubloŭ — na kirmašy prapanoŭvajuć tamu, chto zojmie pasadu hienieralnaha dyrektara MAZa. Patrabavańniaŭ paznačana nie šmat: vyšejšaja adukacyja, dośvied pracy, viedańnie kampjutara i zamiežnych moŭ.
Taksama ŭ top vakansij z najbolš vysokimi zarobkami patrapili i inšyja prapanovy ad hetaha pradpryjemstva: 3300 rubloŭ prapanujuć ahranščyku, 2650 rubloŭ — stalavaru elektrapiečy, 2550 rubloŭ — padručnamu stalavaru elektrapiečy.
U topie apynuŭsia MZKC z nastupnymi prapanovami pracy: šlifoŭščyk — 2650 rubloŭ (takuju ž zarpłatu prapanujuć tokaru), elektrazvarščyk na aŭtamatyčnych i paŭaŭtamatyčnych mašynach — 2500 rubloŭ, naładčyk zubareznych i reźbafreziernych stankoŭ — 2450 rubloŭ.
Pavodle aficyjnych źviestak, u lipieni 2023 hoda siaredniaja zarabotnaja płata ŭ Minsku skłała 2595 rubloŭ.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy14
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć14
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary