Pieršaju ź Izraila vyviezuć błohierku-ŭciakačku Alaksandru Chanievič
Narodnaja ambasada ŭ Izraili nabyła bilet na samalot dla błohierki Alaksandry Chanievič. Jana budzie pieršaju biełaruskaju, jakuju evakujujuć z dapamohaju aktyvistaŭ. Hrošy na bilet sabrała biełaruskaja dyjaspara ŭ ZŠA.
9 kastryčnika Narodnaja ambasada ŭ Izraili pačała zbor infarmacyi ad biełarusaŭ, jakim treba dapamoha ŭ vyjeździe z krainy. Prablema ŭźnikła praz kasavańnie rejsaŭ šmat jakimi avijakampanijami paśla napadu bajevikoŭ CHAMAS.
Raniej adzin z kaardynataraŭ Narodnych ambasadaŭ Michaił Rubin paviedamiŭ «Biełsatu», što pa dapamohu źviarnulisia bolš za 10 biełaruskich siemjaŭ.
Siońnia stała viadoma, što pieršaj evakujujuć błohierku Alaksandru Chanievič. Jana niespadziavana trapiła na vajnu, prylacieŭšy ŭ Izrail z pałomnickaju pajezdkaju.
Chanievič pachodzić z Hrodna, jana vymušana źjechała ź Biełarusi, kab paźbiehnuć palityčnaha pieraśledu, i apošnija niekalki hadoŭ žyvie ŭ Biełastoku.
«Jana palacić u Varšavu praz Kipr i Vienu. U Vienie praciahłaja stykoŭka, tam biełarusy jaje sustrenuć i ablehčać doŭhaje čakańnie. Bilet na kamiercyjny evakuacyjny rejs znajšli dziakujučy Asacyjacyi biełarusaŭ Amieryki i pry padtrymańni fondu «I Need Help BY», — skazaŭ Rubin «Biełsatu».
Jon zapeŭniŭ, što Narodnyja ambasady praciahvajuć šukać varyjanty vyjezdu dla ŭsich biełarusaŭ, jakija paprasili ab dapamozie.
Vyrašeńniem hetaj prablemy zajmajecca taksama Narodnaje antykryzisnaje ŭpraŭleńnie. Kiraŭnik NAU Pavieł Łatuška raniej paviedamiŭ «Biełsatu», što pieradaŭ u MZS Polščy prośby biełarusaŭ ab spryjańni. U ministerstvie adkazali, što dapamohuć, kali źjavicca mahčymaść.
«CHAMASu budzie kaniec». Biełaruskaja piensijanierka, što zdymałasia ŭ Dudzia, ciapier dapamahaje izrailskaj armii
Kala 100 siemjaŭ atrymali paviedamleńni, što ich blizkija ŭtrymlivajucca ŭ jakaści zakładnikaŭ terarystami ŭ Hazie
«Ciažka pavieryć, što navat CHAMAS moh ździejśnić taki varvarski akt». CACHAŁ paćvierdziŭ, što bajeviki zabivali i abiezhałoŭlivali dziaciej
Kamientary