Prezident Finlandyi nazvaŭ pryčynaj uciečki na hazapravodzie źniešniaje ŭździejańnie. Mahčyma, heta była dyviersija
Prezident Finlandyi Saŭli Nijniścio paviedamiŭ, što pryčynaj uciečki na finska-estonskim hazapravodzie Balticconnector stała «źniešniaje ŭździejańnie». Jon udakładniŭ, što ŭ rasśledavańni abstavinaŭ zdareńnia buduć udzielničać pradstaŭniki NATA. Pa infarmacyi Bloomberg, incydent staŭ vynikam dyviersii, piša «Kommiersant».
«Škoda, naniesienaja padvodnaj infrastruktury, była ŭspryniataja surjozna. Całkam vierahodna, što paškodžańnie hazapravoda i telekamunikacyjnaha kabiela zjaŭlajecca vynikam źniešniaha ŭździejańnia», — padkreśliŭ spadar Nijniścio.
Razhiermietyzacyja adbyłasia na ŭčastku truby ŭ terytaryjalnych vodach Finlandyi, kaža adna z krynic Bloomberg. Apieratary zaŭvažyli «niezvyčajnaje» padzieńnie cisku, paśla čaho trubapravod byŭ pierakryty. Bloomberg udakładniaje, što na fonie nadzvyčajnaha zdareńnia ceny na haz u Jeŭropie ź niadzieli vyraśli na 12%.
Ahienctva miarkuje, što, niahledziačy na adsutnaść aficyjnych kamientaroŭ, śledstva jak asnoŭnuju viersiju razhladaje mienavita dyviersiju.
Balticconnector — marski hazapravod pamiž finskim horadam Inka i estonskim Pałdyski, jaki złučaje hazavyja sietki dźviuch krain. Trubapravod daje Finlandyi dostup da łatvijskich schoviščaŭ pryrodnaha hazu.
Hazapravod Balticconnector byŭ pierakryty 8 kastryčnika. Pryčynaj stała padzieńnie cisku. Finskija i estonskija ŭłady paviedamili, što adbyłasia ŭciečka.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks32
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary