Kabiniet biaśpieki Izraila ŭchvaliŭ źniščeńnie vajennaha i ŭradavaha patencyjału CHAMAS — Nietańjachu
Paśla pasiadžeńnia Kabinieta biaśpieki Izraila premjer-ministr Bińjamin Nietańjachu zajaviŭ, što Kabiniet uchvaliŭ pastanovy, nakiravanyja «na źniščeńnie vajskovaha i ŭradavaha patencyjału CHAMAS», piša BBC.
«My ŭvachodzim u doŭhuju i źniasilvalnuju vajnu. Da vajny nas vymusiŭ źniščalny napad CHAMAS», — skazaŭ Nietańjachu.
Jon taksama dadaŭ, što «ŭ ciapierašni čas zaviaršajecca pieršy etap, na jakim źniščana vialikaja častka varožych sił, što pranikli na našu terytoryju».
«My pačali farmavańnie nastupalnaj apieracyi, jakaja budzie praciahvacca bieśpiarečna i bieź pieradyški datul, pakul mety nie buduć dasiahnutyja. My adnovim biaśpieku hramadzian Izraila i pieramožam», — pryvodzić słovy premjer-ministra izrailskaja hazieta Haaretz.
Nietańjachu taksama abviaściŭ, što Kabiniet biaśpieki vyrašyŭ spynić padaču ŭ siektar Haza nie tolki elektraenierhii, ale i pastaŭki paliva i tavaraŭ.
Kala 20 tysiač žycharoŭ siektara Haza ŭžo pakinuli damy, zajavili va ŭpraŭleńni AAN pa kaardynacyi humanitarnych pytańniaŭ.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami3
Kamientary