Pavodle pakul nie vieryfikavanaj infarmacyi, paškodžany ŭčastak čyhunačnaha pałatna i strełak, jakija złučajuć stancyjnyja puci z pahruzačna-razhruzačnymi ŭ miescy znachodžańnia hruzavych rampaŭ.
U 23:30 na stancyi Aziaryšča (minskaje adździaleńnie BČ) adbyŭsia vybuch. Pra heta paviedamiŭ telehram-kanał Motolkohelp, a taksama infarmacyju paćvierdzili krynicy niezaležnaj Supolnaści čyhunačnikaŭ.
Pavodle papiaredniaj i pakul nie vieryfikavanaj infarmacyi, paškodžany ŭčastak čyhunačnaha pałatna i ŭčastak pieravodu strełak, jakija złučajuć stancyjnyja puci z pahruzačna-razhruzačnymi ŭ miescy znachodžańnia hruzavych rampaŭ. Hetyja inžyniernyja zbudavańni na nazvanaj stancyi pieryjadyčna zadziejničanyja dla vykanańnia pahruzačna-razhruzačnych apieracyj z vajskovaj technikaj.
Aziaryšča źjaŭlajecca asnoŭnaj stancyjaj, na jakoj ažyćciaŭlajecca pahruzka vajskovaj techniki ŭ rajonie Minska.
Pobač sa stancyjaj raźmieščany 120-ja i 127-ja bryhady suviazi, a taksama 56-ty połk suviazi.
Ad stancyi Aziaryšča ŭ napramku Oršy raźmiaščajucca stancyi Kałodziščy i Haradzišča. Da stancyi Haradzišča prymykaje adhalinavańnie na čyhunačnuju liniju ŭ vajskovuju čaść №42776.
Stancyja Kałodziščy asobnymi puciami złučanaja sa stancyjaj Šabany, što stvaraje maršrut abychodu Minska pry ruchu pa maršrucie Orša — Brest (abo ŭ zvarotnym kirunku). Hety abchod aktyŭna vykarystoŭvajecca dla pavyšeńnia ŭtojenaści i sakretnaści pry ažyćciaŭleńni voinskich pieravozak rasijskaj techniki, bojeprypasaŭ i kantynhientu ŭ napramku Baranavičaŭ i Łuninca, zaznačaje Supolnaść čyhunačnikaŭ.
Kali vy viedajecie na hetuju temu bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary