U Ačamčyrskim rajonie źjavicca punkt pastajannaha bazavańnia rasijskaha vajskova-marskoha fłotu, zajaviŭ prezident niepryznanaha rehijona Asłan Bžanija ŭ intervju «Iźviestijam».
«U dzień našaha śviata (30 vieraśnia — Dzień «Pieramohi i niezaležnaści Abchazii») da nas zajšoŭ mały rakietny karabiel, my padnialisia na bort — vielmi sučasnaje sudna z surjoznymi bajavymi mahčymaściami. My padpisali pahadnieńnie, i najbližejšym časam u Ačamčyrskim rajonie budzie punkt pastajannaha bazavańnia vajskova-marskoha fłotu RF», — paviedamiŭ jon.
Bžanija ŭdakładniŭ, što metaj pryniaćcia rašeńnia było pavyšeńnie ŭzroŭniu abaranazdolnaści Abchazii i Rasii, bo heta adpaviadaje karennym intaresam hramadzian.
«My nie źbirajemsia nikoha pravakavać svajoj słabaściu, my viedajem, što nam treba i jak nam dziejničać. Pry hetym chaču asabliva padkreślić, što my zacikaŭleny ŭ miry i ŭ dobrasusiedskich adnosinach. Ale ŭ hetym vypadku, skažam tak, miač na ich baku», — padsumavaŭ Bžanija.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary
Chaciełaś by paspačuvać Hruzii, ale va ŭmovach, kali tam byŭ abrany prarasiejski parlamant i ŭ tamtejšaj turmie pavolna zabivajuć prezidenta-refarmatara, jaki litaralna vyciahnuŭ krainu z pastsaŭkovaha siaredniaviečča, zrabić heta vielmi ciažka. Nia hledziačy na toje, što hruziny majuć racyju skardzicca na zachad, jaki ŭvohule nie dapamoh im padčas rasiejskaj ahresii ŭ 2008 hodzie.