Pradstaŭnik Aleny Zacharanka i Valeryi Krasoŭskaj maje namier abskardzić apraŭdalny prysud Juryju Haraŭskamu
Pradstaŭnik Aleny Zacharanka i Valeryi Krasoŭskaj u šviejcarskim sudzie Sieviaryn Valc paviedamiŭ, što abaviazkova budzie abskardžvać vyniesieny siońnia, 28 vieraśnia, apraŭdalny prysud eks-bajcu SACHRa Juryju Haraŭskamu. Pa jaho słovach, jon vielmi rasčaravany siońniašnim vyrakam i ličyć hetaje rašeńnie niapravilnym, piša «Novy čas».
Sieviaryn Valc taksama vykazaŭ spadzieŭ, što sud druhoj instancyi vyniesie adnosna Juryja Haraŭskaha inšaje rašeńnie, i dla hetaha, na jaho dumku, jość padstavy.
Jak zaznačyŭ Sieviaryn Valc, hałoŭnaja sutnaść siońniašniaha rašeńnia ŭ tym, što sudździa nie pavieryŭ pakazańniam Haraŭskaha, jakija jon davaŭ u sudzie, i nie ličyć, što pakazańni Haraŭskaha byli sapraŭdnyja.
Ale heta nie aznačaje, što niepraŭdzivaja sama historyja vykradańnia biełaruskich apazicyjnych palitykaŭ — jość padstavy sumniavacca mienavita ŭ słovach i roli Haraŭskaha z-za šmatlikich supiarečnaściaŭ u jaho pakazańniach.
Sieviaryn Valc pry hetym adznačyŭ, što Haraŭskaha nie departujuć sa Šviejcaryi.
Siońnia ŭ sudzie kantona Sankt-Halen u Šviejcaryi abviaścili prysud eks-bajcu biełaruskaha SACHRa Juryju Haraŭskamu, jaki ŭ 2019 hodzie publična zajaviŭ ab svajoj datyčnaści da vykradańnia apazicyjnych palitykaŭ u Biełarusi — vykradańnia i zabojstva byłoha ministra MUS Juryja Zacharanki, byłoha staršyni CVK Viktara Hančara i biznesoŭca Anatola Krasoŭskaha.
Sudździa Ołaf Chumbiel apraŭdaŭ Haraŭskaha pa hetaj spravie z-za taho, što pastaviŭ pad sumnieŭ pakazańni eks-bajca SACHRa. Prakuror prasiŭ dla abvinavačvanaha try hady pazbaŭleńnia voli z adterminoŭkaj na dva hady.
«Baćka nie adrazu raspaznaŭ, chto taki Łukašenka». Dačka Juryja Zacharanki pra zdradu siabroŭ, praces Haraŭskaha. I pra bol žyćcia
BiełTA padmanvaje, što Haraŭskaha ŭ Šviejcaryi sudziać za samaabhavor
Były bajec SACHR Haraŭski: U Biełarusi na mianie zaviedziena kryminalnaja sprava, siamju apytvaje KDB
«Jany stralali ŭ śpinu»: dačka Zacharanki sustrełasia z eks-bajcom śpiecnazu Juryjem Haraŭskim
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»36
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary