Armianskija miedyja paviedamlajuć pra toje, što dasiahnuta pahadnieńnie ab vyvadzie «padraździaleńniaŭ i vajskoŭcaŭ Uzbrojenych sił Respubliki Armienija» z zony razhortvańnia rasijskaha miratvorčaha kantynhientu, a taksama ab rasfarmavańni i poŭnym razzbrajeńni padraździaleńniaŭ «Armii abarony Nahornaha Karabacha».
Ułady niepryznanaha Nahornaha Karabacha pryniali rašeńnie ab spynieńni ahniu, havorycca ŭ zajavie infarmacyjnaha centra niepryznanaj respubliki.
«Na praciahu dvuch dzion zaciatych bajoŭ padraździaleńni Uzbrojenych sił Arcacha hieraična abaranialisia ad praciŭnika, jaki pieraŭzychodziŭ u niekalki razoŭ u žyvoj sile i vajskovaj technicy, naniosšy jamu vialikija straty. Na žal, arcachski bok taksama maje straty i paranienych, a na niekatorych učastkach praciŭniku ŭdałosia prarvacca da bajavych pazicyj sił abarony, uziać pad svoj kantrol šerah vyšyń i stratehičnych vuzłoŭ daroh», — havorycca ŭ zajavie.
U suviazi z hetym ułady Karabacha «prymajuć prapanovu kamandavańnia rasijskaj miratvorčaj misii adnosna spynieńnia ahniu».
Bajavyja dziejańni pavinny być spynienyja a 13:00 20 vieraśnia.
Taksama ŭ zajavie havorycca ab poŭnym razzbrajeńni armii Karabacha i vyvadzie ciažkaj techniki z terytoryi niepryznanaj respubliki.
Pytańni z azierbajdžanskim bokam ab «reintehracyi» i zabieśpiačeńni pravoŭ i biaśpieki armian Nahornaha Karabacha buduć abmiarkoŭvacca na sustrečy 21 vieraśnia. Jana projdzie ŭ azierbajdžanskim Jeŭłachu, a nie na niejtralnaj terytoryi.
Harantyi biaśpieki Nahornamu Karabachu davała Rasija, ale rasijskija miratvorcy, raźmieščanyja ŭ rehijonie, nie adreahavali na dziejańni azierbajdžanskich vojskaŭ. Armienija, jakaja zrabiła staŭku na Rasiju jašče ŭ 1990-ja, płacić vysokuju canu. Pa ŭsioj imaviernaści, 120 tysiač armian Arcacha (Nahornaha Karabacha) buduć vymušanyja pakinuć svaju ziamlu, jakuju jany zasialali spradvieku. Zhodna z administratyŭnym dzialeńniem SSSR hetyja ziemli ŭvajšli ŭ skład Azierbajdžanskaj SSR, bo ad Armienii ich adździalała pałasa terytoryj, zasielenych azierbajdžancami. Tamu de-jure, a ciapier i de-fakta suvierenitet nad Nahornym Karabacham maje Baku.
Razam z hetym mianiajecca hieapalityčnaja situacyja na Kaŭkazie, što adlustroŭvaje asłableńnie Rasii.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary
pipiśkamozh u pitierskich nie vyros, čto by koho-to nakazyvať. Maksimum čto mohut tak eto s tiem kto silno słabieje.