Saksonskaja Šviejcaryja vačami (i nahami) biełarusaŭ-«avanturYstaŭ»
Biełarusy Lena i Siarhiej robiać treveł-błoh «AvanturYsty». Maładyja ludzi adznačajuć, što jany pačatkoŭcy, ale chutka vučacca. Hetym razam jany viazuć nas u malaŭničuju Saksoniju.
Na jutub-kanale maładych ludziej jość videa pra Madejru, Hiorlic, Kapienhahien, Prahu. Videa nievialikija, ale źmiastoŭnyja i cikavyja. I hałoŭnaje — z dušoj.
U apošnim videa Siarhiej i Lena raspaviadajuć pra nacyjanalny park «Saksonskaja Šviejcaryja», jaki znachodzicca ŭ Hiermanii niedaloka ad Drezdena, zusim pobač miažy z Čechijaj. Park viadomy dziakujučy ŭnikalnym skałam ź piasčaniku. Šykoŭnaje miesca dla piešaha pachodu vychadnoha dnia.
Maładyja ludzi spynilisia ŭ kiempinhu, u jakim jość usio nieabchodnaje dla kamfortnaha adpačynku — ad razietak, rukamyjnikaŭ, nievialikaj elektraplity da duša.
Adtul jany vypravilisia na most Bastaj, pabudavany ź piasčaniku ŭ XIX stahodździ. Ź jaho adkryvajecca cudoŭny vid na piasčanyja skały, jakim bolš za 80 miljonaŭ hadoŭ. Heta adna z najpryhažejšych naziralnych placovak Jeŭropy.
U dalinie pamiž skałami praciakaje Elba. A ŭ skałach u Siaredniavieččy raźmiaščaŭsia zamak Nojraten. Pieršaja zhadka ab im adnosicca da XIII stahodździa. Ciapier na jaho miescy — muziej pad adkrytym niebam.
Na paromie maładyja ludzi patrapili ŭ nievialiki horad Bad-Šandau, adkul vypravilisia pa piešym maršrucie ŭ Nacyjanalny park «Saksonskaja Šviejcaryja», jaki taksama ŭvachodzić u vialiki maršrut «Šlach Lutera», źviazany z žyćciom i dziejnaściu inicyjatara Refarmacyi Marcina Lutera.
Jak adznačaje Siarhiej, maršrut pralahaje ŭ ciaśninie pamiž skał, i navakoł vielmi pryhožyja krajavidy. Pa jaho słovach, samaje papularnaje słova padčas maršrutu było «Vaŭ!». Saksonskaja Šviejcaryja — sapraŭdny top vandrovak maładych ludziej.
Jak usim pačatkoŭcam, dla maładych ludziej važnyja padtrymka i zvarotnaja suviaź. Tamu hladzicie i pakidajcie kamientary.
Čytajcie jašče:
Jak padmanvajuć turystaŭ u Italii
Kab vandroŭka nie pieratvaryłasia ŭ svarki: jak pavodzić siabie, kali padarožničaješ u kampanii
-
Prafiesijny dohlad bieź vizitu ŭ sałon: lehiendarny brend WAHL vypuściŭ liniejku dla stryžki doma
-
Zładziła dzień naradžeńnia dla darahoha sabaki maltypu, maryć pra ŭnukaŭ: jak ciapier žyvie Anžalika Ahurbaš
-
Biełarus pieški idzie 3000 kiłamietraŭ z Varšavy da Ispanii — hatovy nočyć u lesie i mycca ŭ rečcy
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary