Minčuka za try miesiacy dvojčy asudzili za danaty. Ahułam jamu dali dzieviać z pałovaj hadoŭ kałonii ŭzmocnienaha režymu
U sudzie Pieršamajskaha rajona Minska 12 vieraśnia druhi raz za try miesiacy pa ciažkim artykule asudzili Mikałaja Vasileviča. Na pačatku červienia jaho ŭžo asudzili da šaści hadoŭ kałonii za «finansavańnie ekstremisckaha farmavańnia» i «finansavańnie ekstremisckaj dziejnaści». Ciapier jaho abvinavacili ŭ «finansavańni terarystyčnaj dziejnaści», piša «Viasna».
Mikałaja Vasileviča zatrymali 17 kastryčnika 2022 hoda. Jon pracavaŭ u Respublikanskim centry alimpijskaj padrychtoŭki pa lohkaj atletycy. Na pačatku studzienia 2023 hoda KDB unios jahonaje proźvišča ŭ «śpis terarystaŭ».
6 červienia Mikałaja asudzili ŭ Minskim haradskim sudzie da šaści hadoŭ kałonii i vialikaha štrafu za «finansavańnie ekstremisckaha farmavańnia» (art. 361-2 KK) i «finansavańnie ekstremisckaj dziejnaści» (art. 361-1 KK).
U čym kankretna jaho abvinavacili — nieviadoma. Prysud vyniesła Alena Šylko.
Nieŭzabavie stała viadoma, što 12 lipienia ŭ sudzie Pieršamajskaha rajona Minska pačaŭsia druhi sud nad palitviaźniem za «finansavańnie terarystyčnaj dziejnaści» pavodle č. 2 art. 290-1 KK.
Na druhim pracesie pa spravie palitviaźnia byŭ vialiki pierapynak. Za hety čas u Viarchoŭnym sudzie razhladzieli apielacyjnuju skarhu Mikałaja. 1 vieraśnia prysud ustupiŭ u siłu, tamu pry vyniasieńni druhoha prysuda Vasilevič ličyŭsia ŭžo raniej sudzimym.
12 vieraśnia Śviatłana Čarapovič abvieściła prysud Mikałaju — ahułam dzieviać hadoŭ i šeść miesiacaŭ kałonii va ŭmovach uzmocnienaha režymu i štraf 600 bazavych vieličyniaŭ (22 200 rubloŭ).
Padtrymajcie Mikałaja pasyłkami, listami i telehramami: SIZA-1. 220030, Minsk, Vaładarskaha, 2, Mikałaj Uładzimiravič Vasilevič
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary