Unačy byŭ naniesieny ŭdar pa sudnabudaŭničym zavodzie ŭ Sievastopali. Hihancki pažar
Na zavodzie budujuć i ramantujuć karabli Čarnamorskaha fłotu Rasii.
Kiraŭnik akupacyjnych uładaŭ Sievastopala Michaił Razvažajeŭ paviedamiŭ, što rakietny ŭdar hetaj nočču byŭ naniesieny pa sudnabudaŭničym zavodzie, a taksama raskazaŭ, što ŭ vyniku ŭdaru paciarpieli, pavodle papiarednich danych, 24 čałavieki, piša Bi-bi-si. Apošniuju ličbu pravieryć niemahčyma.
«Znachodžusia na miescy pažaru na paŭdniovaj placoŭcy Sievastopalskaha marskoha zavoda. Usie apieratyŭnyja słužby pracujuć na miescy, nijakaj niebiaśpieki dla cyvilnych abjektaŭ u horadzie niama», — napisaŭ Razvažajeŭ u svaim telehram-kanale.
Sieŭmarzavod — heta sudnabudaŭničy Sievastopalski marski zavod imia Siarho Ardžanikidze, na jakim budujuć i ramantujuć karabli Čarnamorskaha fłotu Rasii.
Pavodle słoŭ Razvažajeva, z 24 paciarpiełych čaćviora znachodziacca ŭ stanie siaredniaj ciažkaści.
Na niekalkich videa, apublikavanych karystalnikami sacsietak ź Sievastopala, vidać, što na terytoryi zavoda adbyłosia jak minimum try mahutnyja vybuchi.
Minabarony Rasii zajaviła, što ŭdar pa zavodzie byŭ naniesieny dziesiaćciu kryłatymi rakietami, a taksama byŭ atakavany tryma biezekipažnymi katarami atrad karabloŭ Čarnamorskaha fłotu.
Srodki SPA źbili siem rakiet, a patrulny karabiel «Vasilij Bykaŭ» źniščyŭ usie ŭkrainskija katary, zajavili ŭ ministerstvie.
Pavodle źviestak viedamstva, dva karabli, jakija znachodziacca na ramoncie, «atrymali paškodžańni» ŭ vyniku traplańnia rakiet.
-
Piaskoŭ: Pieramovy Pucina ź Zialenskim mahčymyja tolki ŭ Maskvie
-
Minenierha Ukrainy zajaviła, što Rasija adnaviła ŭdary pa infrastruktury. Zialenski kaža, što metanakiravanych udaraŭ nie było
-
Prapahandystka Lebiedzieva pachvaliłasia ekskluzivam z Maryupalskaha teatra, jaki Rasija adbudavała z nula, kab schavać ślady vajennaha złačynstva
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary