«Słali nam tolki pahrozy i sprabavali ŭzłamać». Dykpik u kanale Hajdukieviča źjaviŭsia paśla kantaktu z Azaronkam
Deputat Pałaty pradstaŭnikoŭ Aleh Hajdukievič prakamientavaŭ vydańniu «Lusterka» dykpik, jaki źjaviŭsia ŭ jahonym aficyjnym telehram-kanale dniom 7 vieraśnia. Zdymak chutka vydalili, ale padpisčyki paśpieli jaho ŭbačyć. Palityk patłumačyŭ usio ŭzłomam, abvinavaciŭ niadobrazyčliŭcaŭ, a taksama źviarnuŭsia da tych, chto abmiarkoŭvaje situacyju.
U adkaz na pytańni «Lusterka» Hajdukievič dasłaŭ hałasavoje paviedamleńnie na paŭtary chviliny. U im jon zajaviŭ, što ŭzłom jaho telehram-kanała adbyŭsia paśla vychadu intervju ŭ strymie z prapahandystam Ryhoram Azaronkam.
U vypusku za 6 vieraśnia jany abmiarkoŭvali ŭ tym liku zabaronu na vydaču pašpartoŭ biełarusaŭ za miažoj. U razmovie Hajdukievič patłumačyŭ uviadzieńnie zabarony na vydaču pašpartoŭ za miažoj «vyratavańniem ludziej ad rabstva».
«Słali nam tolki pahrozy i sprabavali ŭzłamać usie našy internet-resursy: piać telehram-kanałaŭ, VK, Facebook — usie sprabavali ŭzłamać. I łamali!
Našy prahramisty spraŭlalisia. Rassyłali bankaŭskija kartki, mianiali fatahrafii. Tamu ŭsio heta pravakacyja, padman, chłuśnia. Sproba niejkim čynam nas zakranuć», — patłumačyŭ Hajdukievič, nie ŭdakładniŭšy, chto ździajśniaŭ hetyja dziejańni i kamu heta mahło być vyhadna.
Deputat adznačyŭ, što ŭ niadobrazyčliŭcaŭ «nie atrymałasia jaho zakranuć».
Što da praviedzienaha «Našaj Nivaj» paraŭnańnia zdymka z raniej apublikavanymi fota Hajdukieviča i «padabienstva ŭ formie nohcievych płaścin i najaŭnaści radzimki na levaj ruce», to lidar ŁDPB adkazaŭ i na heta.
«Tyja, chto tam siadzić, razhladaje ruki, jašče niešta, pałavyja orhany, — spravaj zajmiciesia. Spravaj zaj-mi-ciesia! Nie treba mužčynskija pałavyja orhany razhladać — treba zajmacca spravaj. Usio heta chłuśnia, padman.
Nikoli-nikoli heta praŭdaj być by nie mahło. Tamu ŭsio što zaŭhodna jany tam robiać, sprabujuć vyjavić. My ŭsie našy akaŭnty ŭžo daŭno (voś ciapier užo) uziali pad kantrol, ale heta praciahvałasia ŭsiu noč i ŭvieś dzień.
Tamu dzieści [mnie] heta impanuje, što vy siadzicie ŭsie i ŭžo paŭdnia abmiarkoŭvajecie pałavyja orhany, jak vy dumajecie, maje — ale jany nie maje. A zajmajeciesia vy nie tym. Spravaj treba zajmacca!» — paŭtaryŭ Hajdukievič.
Taksama jon dadaŭ, što jahonaja partyja ŁDPB «nikoli ničoha niezakonnaha nie publikavała». I paabiacaŭ, što źvierniecca ŭ milicyju.
«Raźbiaremsia, chto ŭzłomvaŭ, chto adkul fatahrafii jakija braŭ, kudy raźmiaščaŭ i što rabiŭ. Heta 100% my daviedajemsia», — zajaviŭ jon.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary