Žonku zatrymanaha na miažy navapołackaha stamatołaha aštrafavali druhi raz
Telehram-kanał «Vitiebsk, ja hulaju!» spraŭdziŭ infarmacyju pra druhi sud nad Ałaj Hrudnickaj. Jon adbyŭsia 22 žniŭnia. Žančynie dali vielizarny štraf.
Kali pieršy raz sudździa Zinaida Bałabołava prysudziła žančynie 1110 rubloŭ štrafu, to druhi raz jana dała joj štraf pamieram 3700 rubloŭ. Adpaviednaje rašeńnie telehram-kanał znajšoŭ u Banku danych sudovych rašeńniaŭ.
Taki vielizarny štraf byŭ pryznačany za fota ŭ «Adnakłaśnikach» «sabaki biełaha koleru i adzieńnia na im čyrvonaha koleru z podpisam «ŽYVIE BIEŁARUŚ! HVAŁTU — NIE!».
Žančyna, jak i pieršy raz, viny nie pryznała.
Navapołackaha stamatołaha Alaksandra Hrudnickaha z žonkaj Ałaj zatrymali pry viartańni ź Litvy ad syna. 22 žniŭnia doktar pavinien byŭ vyjści na pracu ŭ palikliniku №4, ale pacyjenty jaho nie dačakalisia.
17 žniŭnia byŭ vyniesieny prysud za ŭpryhožvańnie stamatołaham svajoj fatahrafii ŭ instahramie ściaham Ukrainy. Akazałasia, što Alaksandr raźmiaściŭ hety fotazdymak sa ściažkami Ukrainy i Hruzii jašče ŭ 2021 hodzie padčas adpačynku ŭ Hruzii. Za heta jon atrymaŭ 15 sutak aryštu pavodle art. 24.23 č. 1 KaAP Biełarusi (pikiet).
A ŭžo na nastupny dzień, 18 žniŭnia, taja ž Bałabołava prysudziła Hrudnickamu za łajki ŭ «Adnakłaśnikach» pastoŭ supołki «Chartyja-97» jašče 15 sutak aryštu pavodle art. 19.11 č. 2 (raspaŭsiud «ekstremizmu»).
Ciapier čytajuć
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie10
Kamientary