Biełaruskaha i rasijskaha pasłoŭ usio ž pazvali na ŭručeńnie Nobieleŭskaj premii miru
Kiraŭnictva Nobieleŭskaha fondu vyrašyła nie zaprašać pasłoŭ Rasii, Biełarusi i Irana na cyrymoniju ŭručeńnia Nobieleŭskaj premii ŭ Stakholmie. Adnak usie pasły, jak i raniej, buduć zaprošanyja na cyrymoniju ŭ Osła, paviedamlaje Nobieleŭski kamitet.
«Narviežski nobieleŭski kamitet maje 70-hadovuju tradycyju zaprašać usich zamiežnych pasłoŭ u Osła na cyrymoniju ŭručeńnia Nobieleŭskaj premii miru 10 śniežnia. Kamitet žadaje, kab dziaržaŭnyja orhany kožnaj krainy, aficyjna pradstaŭlenyja ŭ Narviehii, mieli mahčymaść uziać udzieł u cyrymonii ŭznaharodžańnia i aznajomicca z važnymi pasłańniami łaŭreataŭ Nobieleŭskaj premii miru», — tłumačyć Nobieleŭski kamitet.
«Heta nie ŭ apošniuju čarhu adnosicca da krain z aŭtarytarnym režymam, jakija viaduć vajnu suprać inšych krain abo suprać ułasnaha nasielnictva i suprać jakich vystupajuć našy łaŭreaty premii miru», — padkreśliŭ Nobieleŭski kamitet.
Nahadajem, što zaprašeńnie pasłoŭ pieraličanych krain na cyrymonii ŭručeńnia premij u Stakholmie vyklikała krytyku. Aburylisia ŭ Šviecyi, Ukrainie, a taksama demakratyčnyja biełaruskija siły. U subotu Nobieleŭski kamitet zajaviŭ, što nie budzie zaprašać pasłoŭ.
Hod tamu, u kastryčniku 2022 hoda, Nobieleŭskuju premiju miru prysudzili biełaruskamu pravaabaroncu Alesiu Bialackamu, jaki byŭ zatrymany padčas pahromu biełaruskich pravaabaroncaŭ 14 lipienia 2021 hoda. Zamiest Bialackaha premiju ŭ Osła atrymała jaho žonka Natalla Pinčuk. U sakaviku 2023 hoda Alesia Bialackaha asudzili na 10 hadoŭ kałonii.
Nobieleŭski fond adklikaŭ zaprašeńnie pasłam Biełarusi, Rasii i Irana na ŭračystaści
Pasła Biełarusi zaprasili na bankiet z nahody ŭručeńnia Nobieleŭskich premij
«Biełaruś — nie Rasija, i Łukašenka — nie Biełaruś». Pramova žonki Alesia Bialackaha Natalli Pinčuk na Nobieleŭskaj kanfierencyi miru — 2023
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk6
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ44
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ4
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary