«Adbyłasia žachlivaja pamyłka». U Homieli za «ekstremizm» zatrymali praŭładnaha aktyvista
1 vieraśnia vałanciory pošukava-vyratavalnaha abjadnańnia abjavili ab pačatku pošukaŭ aktyvista, kamunista, siabra BRSM Alaksandra Lebiedzieva. «Fłahštok» daviedaŭsia pryčynu źniknieńnia jaho.
Vałanciory prystupili da pošukaŭ Alaksandra paśla paćvierdžańnia ad milicyi, što čałaviek sapraŭdy źnik. Zajava była napisana ŭ Čyhunačnaje RAUS Homiela.
Adnak praź niekalki hadzin vałanciory napisali, što Lebiedzieŭ znojdzieny padčas praviadzieńnia pošukavych mierapryjemstvaŭ, jon žyvy.
Ab pryčynie źniknieńnia Lebiedzieva «Fłahštoku» raspavioŭ jaho znajomy:
«Adbyłasia kłasičnaja žachlivaja pamyłka — Alaksandr byŭ zatrymany milicyjaj i dastaŭleny ŭ Savieckaje RAUS. Heta było 31 žniŭnia ŭ druhoj pałovie dnia. Pryčynaj zatrymańnia stała padpiska na adzin z «ekstremisckich» resursaŭ. U milicejskim pałonie Lebiedzieŭ pravioŭ noč. Na nastupny dzień z pałonu jaho vyručyli baćki», — raspavioŭ surazmoŭca.
Alaksandr Lebiedzieŭ — 22-hadovy nastaŭnik chimii siaredniaj škoły №49 horada Homiela. Jon zjaŭlajecca siabram BRSM, kamunistyčnaj partyi, udzielničaje praktyčna va ŭsich praŭładnych mierapryjemstvach Homiela.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary
>zjaŭlajecca siabram BRSM, kamunistyčnaj partyi, udzielničaje praktyčna va ŭsich praŭładnych mierapryjemstvach Homiela.
Jak i zaŭsiedy prykładna pałova ci navat bolšaść z 20% jakija padtrymlivajuć akupacyjnuju uładu - etničnyja rasiejcy, ci biełarusy ŭ pieršym kalenie....
raniej na Biełarusi(VKŁ) nie było stolki "lebiedievych" "sidorovych" "ivanovych" "karpienkovych" "karajevych" i inšych
https://d2accbiqacj5y8.cloudfront.net/325641